Luka 21:25 - Tedim Bible

²⁵ “Ni, kha, le aksite tungah lim hong om ding hi. Tuipi ging le tuihual liante kihtakna hangin leitung mi khempeuh lau-in lunggim ding uh hi.

Tedim Bible Revision 2017

²⁵ “Ni, kha le aksite tungah lim hong om ding hi. Tuipi ging le tuihual liante kihtakna hangin leitung mi khempeuh lau-in lunggim ding uh hi.

Luka 21:25 Referans Kwoze

Isaiah 13:10

Bang hang hiam cih leh vantung aksite le amau’ aksi honpite in khuavak piakhia lo ding hi. Ni a suahtung a kipan mial ding a, kha in zong khuavak taangkhiasak lo ding hi.

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pianzawh a kipan a nasia penpen gimna hun hong tung ding hi. Tua hun a hong tun ciangin Pasian’ laibu sungah a min a kigelh na mite khempeuh kihonkhia ding hi.

Isaiah 24:23

Tua ciangin khapi mial ding a, ni taang nawn lo ding hi. Bang hang hiam cih leh Vanglian Topa in Zion Mual tung le Jerusalem khua sungah uk ding a, ama upate’ mai-ah ama minthanna vang kilangsak ding hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi.

Sawltak 2:19

Tua ciangin vantung le leitungah hilhkholhna lim le nalamdang ka bawl ding hi. Sisan kiluansakna, meikatna le meikhu sahpi hong om ding hi.

Isaiah 51:15

“Bang hang hiam cih leh kei pen tuipi tokgawpin tuihualte a hawksak Topa, note’ Pasian ka hi hi. Keima min pen Vanglian Topa ahi hi.

Marka 13:26

Tua ciangin Mihing Tapa, vangliatna le minthanna tawh meii lakah a hong paisuk kimu ding hi.

Marka 13:24

“Tua haksatna hun khit ciangin ni hong mial ding a, kha hong taang nawn lo ding hi.

Mattiu 24:29

“Tua gimna hun a tunkhit phetin ni hong mialin kha hong taang nawn lo ding a, vantung panin aksite hong kia ding a, vantung a om nate a pai ngei-in pai thei loin lampialgawp ding hi.

Marka 15:33

Tua ciangin sunkim nai sawm le nih laitak a kipanin nai thum sung leitung khempeuhah khim a zing hi.

Jeremiah 4:23

Leitung ka et leh limlemel nei lo a, vantungah zong khuavak om lo hi.

Isaiah 5:30

Tua ni ciangin amaute in tuipi ging bangin Israel ngik ding uh hi. Mi khatpeuh in hih gam sung en leh khuamial le lungzinna bek om a, meiite in khua a mialsak hi.

Mattiu 27:45

Sun nai sawm le nih hun a kipanin nitak nai thum dong, nai thum sung, tua gam sung khempeuhah khim a zing hi.

Micah 7:4

Amaute lakah a hoihpenin a kineite, lingkung bang hi a, a thutang pena kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tungta a, a lungman’ hun ding uh hong hita hi.

Isaiah 17:12

Ah, mi tampite’ kikona, tuipi ging bang! Ah, minamte’ otna, tui lianpi ging bang!

Luka 21:24

Mi pawlkhat, namsau tawh kithat ding a, pawlkhat, galmatin gam dangah kiciahpih ding hi. Tua ciangin Gentail mite’ uk hun a bei matengin Jerusalem khuapi a siacipin om ding hi.

Luka 21:26

Leitungah tu-in bang hong piang ding, ci-in a ngaihsut kawmun mite lau-in sibup ding uh hi. Vantunga om nate a pai ngei bangin pai nawn loin lampial mangkhin ding uh hi.