Luka 21:20 - Tedim Bible

²⁰ “Galkapte in Jerusalem khuapi a umcihna na muh uh ciangin tua khuapi a siat nading naita hi, ci-in na thei ding uh hi.

Tedim Bible Revision 2017

²⁰ “Galkapte in Jerusalem khuapi a umcihna na muh uh ciangin tua khuapi a siat nading nai ta hi, ci-in na thei ding uh hi.

Luka 21:20 Referans Kwoze

Luka 19:43

Na kimkotah na galte in a panmun ding uh hong to-in, hong umcihin hong nehcih hun hong tung ding hi.

Marka 13:14

“Ama om loh nading pi-ah a lipkhaphuai zehphitna a hong om na muh uh ciangin (hih lai a simte in Jesuh’ cihnopna thei ta un!) Judea gam a om mite mualtungah tai un.

Daniel 9:27

Tua makai pa in mi tampite tawh kum sagih sung thuciamna kip bawl ding uh hi. Gangawh biakna le biakpiakna, hih hunlang sung a khawlsak ding hi. Biakinn dawn sangpen munah a Lipkhaphuai na kikoih ding hi; ahi zongin Pasian in tua a koihpa’ thuak dingin a geelsa thu a koihpa in a thuak hun ciang dong, a Lipkhaphuai na pen a koihna mun mahah omlai phot ding hi,” hong ci hi.

Luka 21:7

Tua ciangin amaute in, “Cik ciangin hih thu hong piang ding a, hih thu a pian ding ciangin bang lim hong om ding ahi hiam?” ci-in a dot uh ciangin

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuh’ cihnopna thei ta un),

Hebru 11:30

Israel mite in Jerikho khuapi ni sagih sung a kimvel khit uh ciangin a kulhpi a cipna zong a upna uh hang mah ahi hi.

Hebru 12:1

Tua hi a, eite in i kiim i pamah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni.