Luka 21:19 - Tedim Bible

¹⁹ Hih bangin thuakzo le-uhcin nuntakna taktak ngah ding na hih manun kiptakin om un.

Tedim Bible Revision 2017

¹⁹ Hih bangin thuak zo le-uhcin nuntakna taktak ngah ding na hih manun kip takin om un.

Luka 21:19 Referans Kwoze

Hebru 10:36

Pasian’ deihna bangin gamta-in, ama thuciam na ngahtheih nadingun lungduai-in thuakzawhna na kisam uh hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuakzo mite in hotkhiatna a ngah ding uh hi.

Jeim 1:3

Tua bangin na upna uh hong kize-etna na thuakzawh uh ciangin na kipna uh hong kilangsak ahihna thu na thei uh hi.

Mangmuhna 3:10

Note in lungduai takin na thuak nading uh ka hong thupiakna zui na hih manun leitung a a om mi khempeuh ze-et nadingin leitung bupah a hong tung ding lungkhamna panin kei zong note ka hong suaktasak ding hi.

ROM (Romans) 5:3

Haksatna i thuak laitak nangawnin i lungdam veve hi. Bang hang hiam cih leh haksatna in thuakzawh hatna piangsak a,

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

Late 37:7

Topa’ mai-ah khawl dide inla, lungduai takin ngak in. A hihna a daupai pa tung le siatna a bawlpa tungah kilungso tawmsak ke’n!

Mangmuhna 14:12

Pasian’ thupiakna zui-in Jesuh tungah a citak Pasian’ mite a dingin thuakzawhna kisam hi.

Hebru 6:11

Note khat ciat’ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

Mattiu 24:13

Ahi zongin a bei dongin a thuakzote in hotkhiatna ngah ding uh hi.

Mangmuhna 1:9

Note’ sanggam keimah Johan in Jesuh tawh kipawlna hangin note mah bangin bawlsiatna thuakin, Pasian’ Ukna sungah omin, lungduai takin a thuak mipa ka hi hi. Pasian’ thu le Jesuh’ hong gen thumante ka genna hangin Patmos a kici tuikulh-ah kei hong kikoih hi.

Hebru 6:15

Abraham in lungduai takin na ngak ahih manin Pasian’ thuciam a ngah hi.

2 THESALONIKA NIHNA 3:5

Pasian bangin itna nei-in Khrih thuak bangin na thuakzawh nadingun Topa in note lungsim hong bawlsak tahen.

ROM (Romans) 8:25

I muh lohte i lamet ciangin lungduaitakin i ngak thei hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Late 40:1

Topa lamenin ka ngak ngiungeu a, amah kei lam hong nga-in ka kikona aw hong za hi.

ROM (Romans) 15:4

Lai Siangtho sungah a om thu khempeuh pen eite hilh nading, eite in lametna nei-in i thuakzawh nading, le i thahat theih nadingin a kigelh ahi hi.

Habakkuk 3:16

Hih thute khempeuh ka zak ciangin ka pumlin’ a, lau lua-in ka muk ling sapsap hi. Ka guh ka taang hong zen a, guh nei lo bangin ka pukcipsuk hi. Ko hong simgawp mite Pasian in gim a piak ding hun daitakin ka ngak khikhe ding hi.

ROM (Romans) 5:4

thuakzawh hatna in Pasian’ pahtakna hong ngahsak a, ama hong pahtakna in lametna lianpi hong neisak ahihna thu i thei hi.

Jeim 1:4

A kisam bangmah om loin a cingtaak na suahtheih nadingun na thuakna uh hangin a tawntungin na kip paisuak nadingun na ngaihsun un.

2 PETER NIHNA 1:6

na thutheihna uh pumpi ki-ukzawhna tawh na behlap unla, na pumpi ki-ukzawhna uh thuakzawhna tawh na behlap un; na thuakzawhna uh Pasian’ deih bangin gamtatna tawh na behlap unla,