Luka 21:1 - Tedim Bible

¹ Jesuh a khuadak leh mihaute in biakinn sumkuang sungah a letsong uh a khiatna,

Tedim Bible Revision 2017

¹ Jesu a khuadak leh mihaute in biakinn sumkuang sungah a letsong uh a khiatna,

Luka 21:1 Referans Kwoze

Johan 8:20

Jesuh in hih thute pen sumpi khiatna kuang a kikoihna biakinn dei sungah a gen hi a, ahi zongin ama hun tung nai lo ahih manin kuamah in amah man lo uh hi.

Mattiu 27:6

Ahi zongin siampite in tua ngun peekte tawm uh a, “Hih sumte pen mi thah nadingin a kipia sum ahih manin biakinn sumkholna-ah koih dingin kilawm lo hi,” a ci uh hi.

2 KHANG TANGTHU NIHNATE 36:18

Tua ciangin Topa’ biakinn-a umlebeel khempeuh a lian a neu, le Topa’ biakinn-a vanmanphate, le kumpipa le a uliante’ vanmanphate khempeuh amah in Babylon-ah paipih hi.

Nehemiah 13:13

Tua ciangin tua vankoihna innte a kem dingin siampi Shelemiah, laithei Zadok, le Levi mi Pedaiah, le amaute a huh dingin Mattaniah’ tapa Zakkur, a tapa Hanan ka seh hi; bang hang hiam cih leh amaute mi muanhuai ahi uh hi. Amau’ nasep pen a sanggamte uh tungah amau’ tanh ciat uh a hawmkhia ding uh ahi hi.

Joshua 6:19

Ahih hangin ngun le kham, sumngo le sik tawh kibawl nazatte Topa a dingin a siangtho ahi hi. Topa’ sumkoihna-ah tuate tung ding hi,” a ci hi.

1 KUMPI MASATE 14:26

Amah in Topa’ biakinn-a van manphate le kumpipa’ inn-a van manphate lakhia hi. Amah in na khempeuh lakhia hi. Amah in Solomon’ bawlsa kham lumte khempeuh zong la hi.

Joshua 6:24

Amaute in khuapi le a sunga om khempeuh mei tawh hal uh a, ngun le kham, sumngo le sik tawh a kibawl nazatte bek Topa’ inn-a sumkoihna-ah a koih uh hi.

2 KUMPI NIHNATE 12:9

Tua ciangin siampi Jehoiada in singkuang khat la-in a siin vutvang a, Topa’ biakinn sung tum ciangin taklam pang khuam gei-ah a koih hi. Tua ciangin kongkhak a cing siampite in Topa’ biakinn sungah a kipaipih sum khempeuh tua sungah a koih uh hi.

Luka 20:47

Meigong numeite tungah nuamtaksa-in, khemin a neihsateng uh laksak uh a, mite in mihoih a sak nading uh a deihna-un thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.