Luka 20:7 - Tedim Bible

⁷ Tua ahih manin Johan’ tuiphumna pen kua thu tawh hiam, cih thei kei ung, ci-in a dawng uh hi.

Tedim Bible Revision 2017

⁷ Tua ahih manin Johanʼ tuiphumna pen kua thu tawh hiam, cih thei kei ung, ci-in a dawng uh hi.

Luka 20:7 Referans Kwoze

2 PETER NIHNA 3:3

A masa penin na theih ding uh panin: Hun nunung lam ciangin amau pumpi deihna zui-in a gamta mi pawlkhat hong om ding a, amaute in note hong zahpih bawlin,

Johan 9:39

Tua ciangin Jesuh in, “Mittawte in khua a muhtheih nading le khua mu thei a kineite mittaw a battheih nadingin leitungah thukhen dingin a hong pai ka hi hi,” a ci hi.

Zekhariah 11:17

“Kimanna a nei lo tuucingpa, a tuuhonte a nusia pa in gimna ngah ta hen! Namsau in a khut bantan hen la, a taklam mit satkham hen. A khut beimang hen la, a taklam mit tawcip hen!” hong ci hi.

Zekhariah 11:15

Tua ciangin Topa in kei kiangah, “Khatvei tuucing nasep semkik inla, tutungin kimanna a nei lo tuucing nasep sem in.

Isaiah 44:18

Amaute in bangmah thei lo a, amaute in bangmah khentel thei lo uh hi. Bang hang hiam cih leh amaute in bangmah a muh theih loh nadingun amah in a mit uh humsakin, bangmah a theih loh nadingun a lungsim uh khaksak hi.

Isaiah 41:28

Ahih hangin tua mun ka et ciangin kuamah om lo hi. Thu ka dot ciangin a hong dawng ding thulamlak amaute lakah om lo hi.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute a dingin na geelsa gimnate amaute thuaksak in. Na mite na itna thu na galte tungah kilangsak in.

Luka 20:6

“Mihing tung panin a ngah hi,” ci leuleu lehang, Johan pen kamsang taktak hi, ci-in mi khempeuh in um uh ahih manin suang tawh hong denglum ding uh hi, a kici uh hi.

Luka 20:8

Tua ciangin Jesuh in amaute kiangah, “Hih bangin ka nasepnate kua’ thu tawh ka sep hiam cih kei zong kong gen kei ding hi,” a ci hi.