Luka 20:47 - Tedim Bible

⁴⁷ Meigong numeite tungah nuamtaksa-in, khemin a neihsateng uh laksak uh a, mite in mihoih a sak nading uh a deihna-un thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Tedim Bible Revision 2017

⁴⁷ Meigong numeite tungah nuamtak sa-in, khemin a neihsa teng uh laksak uh a, mite in mihoih a sak nading uh a deihna-un thu sau pipi a ngen uh hi. Amauʼ kineihkhemna tawh kizui-in a gimthuak ding uh lian zaw ding hi,” a ci hi.

Luka 20:47 Referans Kwoze

Marka 12:40

Meigong numeite tungah nuamtaksa-in a neihsate laksakin zangmang uh a, mite in mihoih a saktheih nading uh a deihna hangun thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Jeim 3:1

Sanggamte aw, mite tungah thu a hilh eite pen midangte sangin a khauhzaw-in thu hong kikhen ding ahih manin note tampi sia na suaknuam se kei un.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadahhuai, a thumang lo, na hoih sem dingin a kilawmna a om lo mite ahi uh hi.

Luka 12:1

Mi a tul tampite hong kikhawmin khatlekhat a kisikkha gawp dongin kinehcipin a om laitakin Jesuh in a nungzuite kiangah thu gen masa a, “Farisi mite’ kineihkhemna ahi, a silngo uh limtakin kidawm un.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Micah 3:2

thuhoih deih loin thusia na deih zawsop uh hi. Note in mite’ vun na hing hawkkhiat uh a, a guh uh na hing kheuh uh hi.

Micah 2:8

Ahi zongin Topa in hih bangin hong ci hi: Note pen ka mite’ gal na suak uh a, galsung panin a hong ciahkik, lungmuang a a inn-ah a om mite’ puantualpi ngahte na sut uh hi.

Amos 2:7

Amaute in mizawngte’ lutang leivui lakah tuancil uh a, keima min siangtho a ninsak dingin biakinn-a numei paktatte kiangah tangvalte le papite a pai uh hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uhah amau’ meetna ding bek ngaihsun uh hi.

1 THESALONIKA MASA 2:5

Tua ahih manin note in na theih uh mah bangin mite’ lungdam theih nading phatna kamte ka zang kei uh a, kote’ phattuam nading ngaihsutna tawh zong bangmah ka sem het kei uh hi. Hih bang ka hihna uh Pasian in hong thei hi.

Micah 2:2

Lo deih le-uh, mi-a’ sut uh a, inn deih le-uh, mi-a’ mah sut uh hi. Mite bawlsia-in, a inn le a neihsa uh a sut uh hi.

Ezekiel 22:7

A nu a pa a zahtakbawl kuamah om lo hi. Pemtate kikhemgawp a, meigong le tagahte zong kihih thopthop hi.

Mattiu 23:14

“Mihoih a kineihkhem, no Thukham hilh siate le Farisi mite in gimna na thuak ding uh hi. Meigong numeite tungah nuamtak sa-in a neihsa teng uh laksakin na zangmang uh a, mite in mihoih hong saktheih nading na deihna-un thu saupipi na ngen uh hi. Hih bangin na gamtatna uh hangin na gim thuak ding uh nasiazaw kan lai ding hi.

Luka 20:46

“Thukham hilh siate na batkhak loh nadingun kidawm un. Amaute in puantualpi silhnuam uh a, mihon lakah a kizahtak hopih ding deihin, kikhopna innsung le pawi lakah a om uh ciangin uliante’ tutna mun hoihte bekah tunuam uh hi.

Luka 21:1

Jesuh a khuadak leh mihaute in biakinn sumkuang sungah a letsong uh a khiatna,