Luka 20:36 - Tedim Bible

³⁶ Amaute pen vantungmi tawh kibang uh a, sithei nawn lo uh hi. Sihna panin a thokik khinte ahih manin amaute pen Pasian’ tate ahi uh hi.

Tedim Bible Revision 2017

³⁶ Amaute pen vantungmi tawh kibang uh a, si thei nawn lo uh hi. Sihna panin a thokik khinte ahih manin amaute pen Pasianʼ tate ahi uh hi.

Luka 20:36 Referans Kwoze

Mangmuhna 21:4

Amaute’ mit panin khitui khempeuh nulsak ding hi. Thu luisate maimang khinta ahih manin sihna, dahna, le na sa-a kahna cihte om nawn lo ding hi,” a ci hi.

Filippi 3:21

Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama a’ mah bangin a minthang pumpi tawh hong kheelsak ding hi.

Mattiu 22:30

Bang hang hiam cih leh misite a thawhkik uh ciangin vantungah a om vantung mite tawh kibang ding uh a, zinei pasalnei cih om lo ding hi.

Mangmuhna 20:6

Hih thawhkikna masa sungah a kihel mite pen Pasian’ mi siangtho hi a, a hampha mahmah ahi uh hi. Nihvei sihna in tua bang mite bangmah cihzo nawn lo ding a, amaute pen Pasian le Khrih’ siampite hi ding uh a, amah tawh kum tulkhat sung ukna aana nei ding uh hi.

1 KORIN MASA 15:42

Misite a thawhkikna zong hihte mah tawh kibang hi. A kiphum pen a muat thei hi a, a thokik pen a muat thei lo ahi hi.

Mangmuhna 22:9

Ahi zongin amah in, “Kei hong bia kei in. Kei pen nang le na sanggamte, le hih laibu sungah a om thu a zui mite tawh nasemkhawm khat ka hi hi. Pasian bia in,” hong ci hi.

1 KORIN MASA 15:26

A tawpna-ah suksiat ding a gal nunung pen in sihna ahi hi.

Marka 12:25

Sihna panin mite a thawhkik ciangin vantungah a om vantung mite mah bangin zinei pasalnei cih om lo ding uh hi.

1 KORIN MASA 15:49

Eite in lei tawh a kibawl mite’ lim i puak mah bangin vantung panin a hong pai Mipa’ lim zong a pua ding ihi hi.

Zekhariah 3:7

Vanglian Topa in hih bangin ci hi: “Ka thukhamte zui-in kong sawl thute na sep leh, ka biakinn sung le biakinn huang sungteng na uk ding a, hih ka kianga om vantung mite’ thu ka ngaih bangin nangma thu zong ka hong ngai ding hi.

Hosea 13:14

Leinuai-a misite’ omna-ah a pai nading uh panin honin, sih nading panin suaktasak ding ka hi hiam? Sihna aw, gimna na piakna-ah amaute ka hehpih kei hi. Leinuai-a misite’ gam aw, na suksiatna-ah amaute ka khasiat kei hi.

Isaiah 25:8

Amah in sihna beimangsak ding a, maitang khempeuh panin khitui nul ding hi. Leitung khempeuh panin ama mite a kizahkona lakhia ding hi. Bang hang hiam cih leh Topa in hih thu gen khinzo hi.

ROM (Romans) 8:16

Eite, Pasian’ tate ihihna thu eima lungsim bek in a gen hi loin Pasian’ Kha Siangtho in zong hong genpih hi.