Luka 20:25 - Tedim Bible

²⁵ Tua ciangin Jesuh in, “Tua ahihleh, Kumpipa a’ teng Kumpipa tungah na pia unla, Pasian a’ teng Pasian’ tungah na pia un,” a ci hi.

Tedim Bible Revision 2017

²⁵ Tua ciangin Jesu in, “Tua ahihleh, Kumpipa aʼ teng Kumpipa tungah na pia unla, Pasian aʼ teng Pasianʼ tungah na pia un,” a ci hi.

Luka 20:25 Referans Kwoze

1 KORIN MASA 10:31

Tua ahih manin keimah in ka hong gennop thu in: Na hihna khempeuh uh, nekna dawnna-ah ahi zongin Pasian’ minthan nadingin na hih un.

Sawltak 5:29

Ahi zongin Peter le sawltak dangte in, “Mite’ thu sangin Pasian’ thu ka mangzaw ding uh hi.

Marka 12:17

Tua ciangin Jesuh in, “Tua ahihleh, Sisar’ neihsate Sisar’ tungah pia unla, Pasian’ neihsate Pasian’ tungah pia un,” a ci hi. Tua ama thudawnna hangin lamdang a sa mahmah uh hi.

Mattiu 22:21

amaute in, “Sisar’ lim le a min kigelh hi,” a ci uh hi. Tua ciangin Jesuh in amaute kiangah, “Sisar’ nate Sisar’ tungah na pia unla, Pasian’ nate Pasian’ tungah na pia un,” a ci hi.

Mattiu 17:27

Ahi zongin amau’ nasepna a nawngkaisak i suahkhak loh nadingin tuili-ah nga siahna sikkawi va khia inla, a awk masa penpen hong kaikhia in. Tua a ngasa kam sung en lecin dangka tang peek khat na om ding hi. Tua sum la inla, ei tegel a dingin biakinn siah va pia in,” a ci hi.

Paunak 24:21

Ka ta aw, Topa le kumpipa zahtak khawm inla, amau a langpangte tawh kipawlkha kei in.

1 PETER MASA 4:11

Minthanna le vangliatna a nei tawntung Pasian in Jesuh Khrih hangin thu khempeuhah phatna a ngah theih nadingin thuhilhte in Pasian’ thu na hilh unla, na a semte in Pasian’ piak thahatna tawh na sem un. Amen.

Luka 20:24

“Sum peek khat hong lak dih un. Hih sum tunga om lim le min kua-a’ ahi hiam?” a cih ciangin, “Kumpipa’ lim le min hi,” ci-in a dawng uh hi.