Luka 20:22 - Tedim Bible

²² Rom Kumpipa Sisar’ tungah siah i piak ding a kilawm mah ahi hiam, kilawm lo ahi hiam?” ci-in a dong uh hi.

Tedim Bible Revision 2017

²² Rom Kumpipa Sisarʼ tungah siah i piak ding a kilawm mah ahi hiam, kilawm lo ahi hiam?” ci-in a dong uh hi.

Luka 20:22 Referans Kwoze

Nehemiah 9:37

Tu-in leitang tunga piang khempeuh pen kote’ mawhna hangin kote’ tungah nong koih kumpite tungah tung ta hi. Tua kumpite in kote tungah thu hong nei-in, ka ganhingte uh a ut utun hong hihsak uh a, kote lungkham mahmahin ka om uh hi,’ ci un,” a ci uh hi.

Sawltak 5:37

Hih thu a pian’ khit ciangin, mi bangzah pha hiam, ci-in gam sung mi khempeuh a kisim laitakin Galilee mi Judas a kici mi khat hong khang leuleu a, amah in zong nungzui mihonpi mah a nei hi. Amah zong kithat leuleu a, a nungzuite kithehthangin maimang hi.

Mattiu 17:25

“A piak ngei mah ahi hi,” ci-in a dawng hi. Innsungah Peter a lut ciangin Jesuh in na paupih masa zaw a, “Simon aw, nang na bangci ngaihsut hiam? Leitung kumpite in kuate tung panin siah kai ahi uh hiam? Amau tate tung panin siah kai ahi uh hiam, tua ahih kei leh midangte tung panin kai ahi uh hiam?” ci-in a dot ciangin

Nehemiah 5:4

Pawlkhatte in kumpipa tungah siah piak dingin a lote uh le a leenggui lote uh khamin a piakna uh hong gen uh hi.

Ezra 9:7

Ka pu ka pate uh hun a kipanin tuhun dong mawhna lianpi ka nei uh hi. Tua thu hangin ka kumpite uh le ka siampite un gamdang kumpite’ khut sungah sihna, salsuahna, neihsa kisuhna, le maizumna thuak uh a, tuhunin zong tua bangmah ka thuak uh hi.

Ezra 4:13

Amau’ khuapi kilam kikin kulhte kizo leh amaute in siah ahi a, mangmu ahi a, losap ahi zongin hong pia nawn lo ding uh a, a tawpna-ah kumpi hong sukkhak ding thu thei in.

Thu-hilhkikna 17:15

Topa note’ Pasian in a teel mipa note’ tungah kumpi-in na koih thei takpi ding uh hi. Ahi zongin na mipihte bek uh lak panin kumpi-in mi khat na koih ding uh a, na sanggam uh ahi lo gamdang mi khat no’ tungah na koih thei kei ding uh hi.

Luka 20:21

Hih thukante in Jesuh kiangah, “Sia aw, na thuhilhnate le na thugente man mahmah hi. Nang in miliante zahtakbawl tuan loin, Pasian’ thu a mantakin na hilhna ka thei uh hi.

Luka 20:23

Ahi zongin Jesuh in amau’ ngianbawlna thei ahih manin,

Luka 23:2

Tua lai panin amah mawhzon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, amahmah zong Khrih ahi kumpi khat ahihna a kigenna zong ka za uh hi,” a ci uh hi.

ROM (Romans) 13:7

Tua ahih manin phiangsiah piak dingte tungah pia-in, mangmu piak dingte tungah pia-in, zahtak dingte zahtak bawlin, pahtawi dingte pahtawi ta un.