Luka 20:10 - Tedim Bible

¹⁰ Leenggah min hun a tun ciangin ama ngahzah tang ding a va la dingin lo khawhlawhte kiangah a nasemte khat a sawl hi. Ahi zongin lo khawhlawhte in amah na satgawp uh a, khut hawmguakin a ciahsak uh hi.

Tedim Bible Revision 2017

¹⁰ Leenggah min hun a tun ciangin ama ngah zah tang ding a va la dingin lo khawhlawhte kiangah a nasemte khat a sawl hi. Ahi zongin lo khawhlawhte in amah na sat gawp uh a, khut hawmguakin a ciahsak uh hi.

Luka 20:10 Referans Kwoze

Nehemiah 9:26

“‘Ahi zongin amaute in demnopna lungsim nei-in nang hong lehdo uh hi. Amaute in na thukham nungngat uh a, nangma lamah hong ciahkikna dingun amaute a hilh na kamsangte that uh a, amaute in gendai mawhna lianpi bawl uh hi.

ROM (Romans) 7:4

Sanggamte aw, note zong tua mah tawh a kibang na hi uh hi. Khrih tawh pumkhat na hihna uh hangin thukham tawh kisai thu-ah a sikhin na hi uh a, Pasian’ nasepna-ah eite a man nei i suahtheih nadingin sihna panin a kithokiksak Khrih tawh nupa na hi uh hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Luka 13:34

“Jerusalem, Jerusalem aw, kamsangte na that a, Pasian’ hong sawl kamtaite na denglum hi. Akpi in a kha tawh a note a huai mah bangin na mite ka huainuam tawntung a, ahi zongin na ut kei hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak-uhleh note le na pu na pate uh kiangah ka piak gam sungah na teng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 20:2

Tua ciangin Pashhur in kamsang Jeremiah sat a, Benjamin Kongpi saknung gei, Topa’ biakinn sungah kol a bulh hi.

Jeremiah 5:24

A lungsim sung uhah, ‘A huna guah hong zusak a, tukguah, khalguah hong pia a, anlak hun ding a hong sehsak den Topa i Pasian zahtak ni,’ a ci kei uh hi.

Jeremiah 2:30

Na tate uh thuhilhin ka sat hangin a mawkna suakzo ta hi. Amaute kibawlpha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Late 1:3

Amah pen lui tuiluang gei-a a kisuan ama gah hunin gah a, a teh a vul ngei lo singkung tawh kibang hi. Ama hihna khempeuhah a maa pai mahmah hi.

Nehemiah 9:30

Kum tampi sung lungduaina tawh amaute na thuak a, na kamsangte tungtawnin amaute na hilh hi. Ahi zongin amaute in ngai nuam lo uh hi. Tua ahih ciangin gamdang mite’ khut sungah amaute na pia hi.

2 KHANG TANGTHU NIHNATE 16:10

Tua ciangin thumu pa tungah Asa heh a, amah kol bulhin thong sungah a koih hi; bang hang hiam cih leh hih thu hangin ama tungah nakpitakin heh hi. Tua hun mahin Asa in mi pawlkhat zong gitlohna tawh a gimsak hi.

2 KUMPI NIHNATE 17:13

Ahi zongin Topa in kamsangte khempeuh le thumute khempeuh tungtawnin Israel le Judah mite hilhkhol a, “Na pu na pate uh ka thupiak thukhamte khempeuh, le kamsangte ahi ka nasemte’ tungtawnin note kiangah thu kong puak bangin na gamtat siate panun kihei-in ka thupiaknate le ka thukhamte zui un,” a ci hi.

1 KUMPI MASATE 22:24

Tua ciangin Khenaanah’ tapa Zedekiah a nai-ah hong pai-in Mikaiah a paang bengin, “Nang’ tungah thu a gen dingin Topa’ kha in cikin kei hong nusia-in nang kiang hong tung ahi hiam?” a ci hi.

Luka 20:9

Tua ciangin Jesuh in mite kiangah thugentehna khat gen a, “Mi khat in lo zuanin leenggui suan a, lo khawhlawhte khawhlawh sakin, amah gam dangah pai-in sauveipi a tam hi.

Luka 20:11

Tua ciangin nasem dang khat sawl leuleu a, lo khawhlawhte in tua pa zong na satgawpin maizumsak gawp uh a, khut hawmguak mahin a ciahsak uh hi.

1 KHANG TANGTHU MASATE 19:4

Tua ahih ciangin Hanun in David’ nasemte manin a khamul uh metsak a, a kawng ciang uhah a puante uh atkhiatsakna tawh amaute daisakin a sawlkhia hi. Tua ahih ciangin amaute kihem uh hi.