Luka 2:41 - Tedim Bible

⁴¹ Kumsimin Jerusalem khua-a Paisan Pawi a kibawlna-ah Jesuh’ nu le pa a pai zel uh ahi hi.

Tedim Bible Revision 2017

⁴¹ Kum simin Jerusalem khua-a Paisan Pawi a kibawlna ah Jesuʼ nu le pa a pai zel uh ahi hi.

Luka 2:41 Referans Kwoze

Thu-hilhkikna 12:18

Topa na Pasian un a teelna munah note le na tapate le na tanute, na nasem numeite le na nasem pasalte, le na khuapite uh sunga om Levi mite in Topa na Pasian uh mai-ah na ne ding uh hi. Na hihna khempeuh uhah Topa na Pasian uh mai-ah na lungdam ding uh hi.

Johan 2:13

Jew mite’ Paisan Pawi hun hong naita ahih manin Jerusalem khua-ah Jesuh a pai hi.

1 SAMUEL MASA 1:21

Tua ciangin Elkanah le a innkuante khempeuh Topa’ tungah kumsim biakna le a thuciamna a pia dingin paito kik uh hi.

1 SAMUEL MASA 1:3

Elkanah a kumkumin a khuapi panin, Eli’ tapa nihte Hofni le Finehas in Topa’ siampi a sepna mun Shiloh-ah Vanglian Topa a bia ding le ama tungah biakna a pia dingin a pai zel hi.

Thu-hilhkikna 16:16

“Amah in a teelna mun, Topa na Pasian uh mai-ah pasal khempeuh kum khatin thumvei, silngo sawh loh anlum pawi, nipikal pawi, le buk pawi-ah kilaak ding uh hi. Amaute khut hawmguakin Topa’ mai-ah kilak lo ding uh hi. Topa na Pasian un note thupha hong piaknasa tawh kizui-in mi khempeuh in ama hih theih bang ciatin pia ding uh hi.

Thu-hilhkikna 12:11

Topa na Pasian un ama min om nading munin a teelna munah note kong sawl khempeuh na paipih ding uh hi. Na meihal biaknate uh le na biakpiaknate uh, note in na piak uh sawm-ah-khat le na piak thuahte uh le Topa’ tungah na ciam uh na thuciam piaknate uh na paipih ding uh hi.

Gamlak-vakna 28:16

“Kha masa a ni sawm le ni li ni pen Topa’ Paisan Pawi ni ahi hi.

Siampi Laibu 23:5

“A kha masa, a ni sawm le li nitak pen Topa’ Paisan Pawi ahi hi.

Paikhiatna 34:23

“Pasal khempeuh Israel Pasian, Topa Pasian’ mai-ah kum khatin thumvei kilak ding uh hi.

Paikhiatna 12:14

“Hih pen note a dingin phawkna ni hi ding a, note in Topa’ tungah pawi bawlna ni-in na nei ding uh hi. Na khang tawntungun note in biakna ngeina kip khatin na nei tawntung ding uh hi,” a ci hi.

Johan 13:1

Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 11:55

Jew mite’ Paisan Pawi hun hong nai ciangin, tua pawi kipatma hun sungin biakna vai-in kisiansuahna a bawl dingin gam sung khuate panin Jerusalem khuapi-ah mi tampi hong pai uh hi.

Johan 6:4

Jew mite’ Paisan Pawi hun nai mahmah ta hi.

Paikhiatna 12:11

Hih bang zia-in na ne ding uh hi: Na kawng uh gakin, na khedap uh na khe uhah bulhin, na ciangkhut uh na khut uhah na tawi ding uh a, na nawh nek ding uh hi. Tua pen Topa’ Paisan Pawi ahi hi.

Luka 2:42

Jesuh, kum sawm le nih a phak ciangin a ngeina bangin tua pawi-ah a thumun a pai uh hi.