Luka 2:4 - Tedim Bible

⁴ Josef zong David’ suante khat ahih manin Galilee gam sung Nazareth khua panin David’ suahna khua ahi Judea gam Bethlehem khua-ah a pai hi.

Tedim Bible Revision 2017

⁴ Josef zong Davidʼ suante khat ahih manin Galilee gam sung Nazareth khua panin Davidʼ suahna khua ahi Judea gam Bethlehem khua ah a pai hi.

Luka 2:4 Referans Kwoze

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Johan 7:42

Khrih i cih pen David’ suan hi ding a, David’ suahna Bethlehem khua-ah suak ding hi, ci-in Lai Siangtho sungah kigelh hi lo ahi hiam?” a ci uh hi.

1 SAMUEL MASA 16:1

Topa in Samuel kiangah, “Israel-te tungah kumpi hihna panin amah ka nolhkhitna mu napi-in Saul’ hangin bang tanvei dah ding na hi hiam? Na sathau biingah sathau thun inla, pai in; Bethlehem mi Jessi kiangah kong sawl ding hi. Bang hang hiam cih leh ama tapate lak panin keima-a’ ding kumpi khat ka la khin hi,” a ci hi.

Luka 4:16

Tua ciangin ama khanna Nazareth khua-ah Jesuh pai a, Sabbath ni ciangin a paingei bangin kikhopna inn-ah a pai hi. Lai Siangtho a sim dingin amah ding a,

Mattiu 2:23

Nazareth khua-ah a teng uh hi. Kamsangte in, “Amah pen Nazareth khuami kici ding hi,” ci-in a genkholhna a tun nadingin hih bangin a piang ahi hi.

1 SAMUEL MASA 20:6

Na pa in kei hong kan leh, ‘David in ama khuapi Bethlehem-ah a va taipak dingin kei kiangah limtakin hong kingen hi; bang hang hiam cih leh amau innkuan khempeuh a dingin kumsim biakpiakna tua lai-ah om hi,’ na ci ding hi.

Ruth 4:17

A veng nupite in a min phuak uh a, “Naomi’ sung pan tapa khat suak,” a ci uh hi. Amaute in a min Obed phuak uh hi. Amah pen Jessi’ pa hi a, Jessi pen David’ pa ahi hi.

Ruth 4:11

Tua ciangin kulhkongpi-a om mite khempeuh le upate in, “Kote, teci ka hi uh hi. Topa in Israel-te’ pianna Rachel le Leah bangin na innkuan sunga hong pai numei bawl tahen. Efrathah-ah na dau pai hen la, Bethlehem-ah na min thang tahen.

Ruth 2:4

Boaz zong Bethlehem panin hong kuanin amah in anlate kiangah, “Topa in note hong ompih ta hen!” a ci hi. Amaute in dawngin, “Topa in nang thupha hong pia ta hen,” a ci uh hi.

Johan 1:46

Nethanel in, “Nazareth khua panin bang hong piang peuhmah ding ahi hiam?” na cihsan hi. Ahi zongin Filip in, “Hong pai inla, hong mu dih in,” a ci hi.

1 SAMUEL MASA 17:58

Saul in ama kiangah, “Tangvalpa aw, kua’ tapa na hi hiam?” a ci hi. David in dawngin, “Bethlehem khuami na nasempa Jessi’ tapa ka hi hi,” a ci hi.

1 SAMUEL MASA 17:12

David pen Judah gam Bethlehem khua-a om Efrathah mi, tapa giat a nei Jessi min a nei pa’ tapa ahi hi. Saul’ hun lai-in tua mipa teek zo-in kum tampi pha ta hi.

1 SAMUEL MASA 16:4

Topa’ thupiak bangin Samuel gamta-in Bethlehem-ah a pai hi. Tua khuapi upate a lingsa-in amah a dawn dingin hong pai uh a, “Thuhoih a hong pai na hi hiam?” a ci uh hi.

Ruth 1:19

Tua ahih ciangin Bethlehem a tun mateng uh a nihun paisuak uh hi. Bethlehem a tun uh ciangin amaute’ hangin a khuazang un luum lialua-in nupite in, “Hihnu Naomi mah ahi hiam?” a ci uh hi.

Piancilna 48:7

Bang hang hiam cih leh Paddan panin ka pai lai-in, Efrath tun ma diak, Kanaan gam lamkalah ka dah nadingin ka zi Rachel hong si hi. Efrath (Bethlehem) paina lampi-ah amah ka vui hi,” a ci hi.

Piancilna 35:19

Tua ahih ciangin Rachel si-in, Efrath (Bethlehem) paina lampi-ah kivui a,

Mattiu 1:20

Ahi zongin hih bangin thu a ngaihsut laitakin a mang sungah Topa’ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah tenpih ngamlah kei in.

Luka 2:3

Tua ahih manin amau khua ciatah min pia dingin mi khempeuh a pai uh hi.

Luka 2:5

Tua bangin min sazian kikhumsak dingin a pai ciangin tenpih dingin zuthawl a piaksa a lawmnu Mary tawh a paikhawm uh hi. A lawmnu naupaii hi a,