Luka 2:35 - Tedim Bible

³⁵ mite’ lungsimtawng a kilatna hong hi ding hi. Dahna lungkhamna in namsau hiam bangin nangma lungsim mahmah zong hong sunkham ding hi,” a ci hi.

Tedim Bible Revision 2017

³⁵ miteʼ lungsim tawng a kilatna hong hi ding hi. Dahna lungkhamna in namsau hiam bangin nangma lungsim mahmah zong hong sun kham ding hi,” a ci hi.

Luka 2:35 Referans Kwoze

1 KORIN MASA 11:19

Bang hang hiam cih leh kuateng pawlpi mi citak ahi hiam, ci-in a kilat nadingin kikhenna a ommah ding ahi hi.

Thu-hilhkikna 8:2

A thupiakte na zui uh hiam, na zui kei uh hiam cih a theih nadingin note hong niamkhiatin, na lungsim uhah bang om hiam cih a theih nadingin Topa na Pasian un sehnel gamah hih kum sawmli sung note hong paipihna lampi khempeuh na ciamteh ding uh hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

Johan 19:25

Jesuh’ singlamteh gei-ah ama nu; ama nuno ahi, Klopas’ zi Mary; le Magdala khuami Mary a ding uh hi.

Late 42:10

Ka langte in kei tungah, “Na Pasian koi-ah om ahi hiam?” hong cihcih sungteng, ka sungah meima nai tawm bangin hong tum ngangngang hi.

Luka 2:34

Tua ciangin Simeon in amaute thupha a piak khit ciangin naungek’ nu Mary kiangah, “Hih naungek pen, Israel mite sungah mi tampi in siatna a ngah nading, le mi tampi in hotkhiatna a ngah nading ahi hi. Mi tampi in hih naungek nial ding uh a,

Luka 2:36

Tua laitakin Asher minamte sung panin Fanuel’ tanu Anna minnei kamsang numei khat a om hi. Amah a khangham mahmah khat hi a, a nungak laitakin a neih a pasal tawh kum sagih sung a tenkhop khit ciangin,