Luka 2:32 - Tedim Bible

³² Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Tedim Bible Revision 2017

³² Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Luka 2:32 Referans Kwoze

Isaiah 49:6

Amah in, “Jakob minamte a laamto ding le a suaktalai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Sawltak 26:23

Tua thu in: Khrih pen sihna thuakin a hingkik masa pa hi ding a, Jew mite le Gentail mite tungah hotkhiatna khuavak thu a hong gen pa hi ding hi, cihna thu ahi hi,” a ci hi.

Isaiah 9:2

Khuamial sunga a pai mite in khuavak lianpi mu khinta a, khuamial thukna gam sungah a teng mite tungah khuavak taang khinzo hi.

Mangmuhna 21:23

Pasian’ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.

Sawltak 28:28

Tua ciangin Paul in, “Tua ahihleh tu-in Gentail mite tungah Pasian’ hotkhiatna thu kigen ta ding hi. Amaute in um ding uh hi. Hih thu hoihtakin thei un,” ci-in a thugenna a khum hi.

Mattiu 4:16

Khuamial sunga a teng mite in khuavak lianpi mu ding uh hi. Sihna gam khuamial sungah a teng mite tungah khuavak hong taang ding hi,” ci hi.

Zekhariah 2:5

Tua khuapi a hu dingin meikulh bangin Topa mahmah a omna ding, le tua khua sungah a minthanna tawh a tenna ding thu, Topa in kam ciamzo hi, ci-in va gen in,” a ci hi.

Isaiah 60:19

Sun hunin ni pen nangma khuavak hi lo ding a, zan hunin kha pen na khuavak hi nawn lo ding hi. Topa pen a tawntung nangma khuavak hi ding a, na Pasian pen na minthanna hi ding hi.

Isaiah 45:25

Israel suanlekhakte khempeuh, Topa’ hangin gualzo-in a kisial ding uh hi.

Isaiah 4:2

Tua ni ciangin Topa’ bulsel pen melhoihin minthang ding a, leitung panin a piang gahte pen, a suakta lai Israel mite’ kiphatsakna le minthanna hi ding hi.

Late 85:9

I gam sungah minthanna a om theih nadingin amah a zahtakte a dingin ama hong hotkhiatna hong om takpi hi.

1 KORIN MASA 1:31

Tua ahih ciangin Lai Siangtho sungah, “A kisathei mite, Topa’ hang bekin kisathei ta hen,” ci-in na kigelh hi.

Luka 2:10

Ahi zongin vantungmi in, “Lau kei un. Mi khempeuh a lungdamsak ding thuthak hoih khat note a’ ding ka hong puak hi.

Jeremiah 2:11

Gam khat peuhpeuh in pasian ahi taktak beek lo a pasian-te uh nangawn a khek ngei peuhmah uh hiam? Ahih hangin ka mite in a minthanna uh ahi keimah, bangmahin a kimang lo na peuh tawh hong khek tazen uh hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Isaiah 49:9

Thongkia mite tungah, ‘Hong paikhia un,’ ci-in, khuamial sunga om mite tungah, ‘Hong pusuak un,’ ka ci ding hi. Amaute pen lam tawntung ah an a ne, mual pawn a sang munte khempeuhah nuamtakin a gamta tuute tawh kibang ding uh hi.

Isaiah 51:4

“Ka mite aw, ka thugen hong ngai un. Minamte tungah thu ka hilh a, keima thukham in amaute tungah khuavak tun ding hi.

Luka 2:31

minam khempeuh’ muhin nong tungsak a,