Luka 2:26 - Tedim Bible

²⁶ Topa’ hong ciamsa Khrih a muh matengin a sih loh nading thu zong ama tungah Kha Siangtho in na genkhin hi.

Tedim Bible Revision 2017

²⁶ Topaʼ hong ciam sa Khris a muh matengin a sih loh nading thu zong ama tungah Kha Siangtho in na gen khin hi.

Luka 2:26 Referans Kwoze

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Hebru 11:5

A upna hang mahin Enok zong sihna tawh kipelh hi. Pasian in ama kiangah lato ahih manin kuamah in Enok mu nawn lo hi. Amah a kilaktoh ma-in Enok in Pasian’ lungkimna ngah hi, ci-in Lai Siangtho in a na gen hi.

Luka 9:27

Ke’n kong cihin-ah, hih lai-ah a om mi pawlkhatte in Pasian’ Ukna a muh khit uh matengin si lo ding uh ahihna phawk un,” a ci hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 2:36

“Tua ahih ciangin singlamteh tungah na thah uh hih Jesuh pen Pasian in Topa le Khrih in a bawl khitna thu, Israel mi khempeuh in teltakin thei ta un,” a ci hi.

Late 25:14

Topa tawh kilawmtatna pen amah a zahtakte a’ ding hi a, a thuciamna amau tungah kitheithangsak hi.

Sawltak 17:3

Khrih in sihna thuakin, sihna panin a thawhkik ding a kisam ahi hi, ci-in a laktel hi. Tu-a note kiangah kong pulak Khrih pen Lai Siangtho sunga kigen Khrih ahi hi, ci-in Paul in a gen hi.

Sawltak 9:20

Kikhopna innte-ah va pai-in, “Jesuh pen Pasian’ Tapa ahi hi,” ci-in thu hilh ding a kipan hi.

Johan 20:31

Hih laibu sungah a kigelh thute pen Jesuh, Pasian’ Tapa, Khrih ahihna thu na uptheih nading uh le ama min hangin tua upna tawh nuntakna na ngahtheih nading uh deihna tawh a kigelh ahi hi.

Johan 4:29

“Hong pai un. Ka gamtatnasa a hong thei pa va en ni. Amah Khrih hi kha ding hi,” a va ci hi.

Johan 1:41

A zing ciangin a u Simon zongpahin ama kiangah, “Messiah ka mu zo uh hi,” a ci hi. Tua pen Khrih a cihnopna ahi hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

Late 2:6

“Ka mual siangtho Zion tungah ka kumpi ka tusak khin hi,” ci hi.

Late 2:2

Leitung kumpite le gam ukte in Topa le ama sathau nilh pa langpangin vaihawm uh a,

Mattiu 2:12

Herod kiangah a kihilkik loh nadingun a mang sung uhah Pasian in hilh ahih manin, lampi dang tawnin a gam uhah a ciahkik uh hi.

Luka 2:29

“Topa aw, na thuciamna tu-in nong tungsak a, na nasempa keima lungsim nong nuamsak hi.