Luka 2:14 - Tedim Bible

¹⁴ “Van a sang belna-ah a om Pasian’ min thang hen la, ama pahtak leitung mite tungah nopna om ta hen,” a ci uh hi.

Tedim Bible Revision 2017

¹⁴ “Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

Luka 2:14 Referans Kwoze

ROM (Romans) 5:1

Tu-in upna hangin Pasian tawh kipawl khinta ihih manin i Topa Jesuh Khrih hangin Pasian tawh a kilemkik ta ihi hi.

Luka 19:38

“Pasian in Topa’ tangin a hong pai kumpipa, thupha pia tahen. Vantungah nopna om hen la, Pasian’ min thang ta hen,” ci-in a awng uh hi.

Kolose 1:20

Pasian in a Tapa zangin na khempeuh ama kiangah a kaihkik ding a sehsa ahi hi. Tua ahih manin singlamteh tungah a Tapa a sihna hangin amah tawh kilemkik theih nading hong omsak ahih manin, leitung, vantung a om khempeuh ama kiangah a hong tunkik ahi hi.

Luka 1:79

sih ding lauhuaina sungah a om mi khempeuh tungah vantung khuavak hong taangsak ding a, nopsakna lampi-ah hong kha ding hi,” a ci hi.

Mangmuhna 5:13

Tua ciangin vantung, leitung, leinuai, tuipi sung le mun khempeuhah a om nuntakna a nei khempeuh inla a sakna uh ka za a, amaute in, “Tokhom tungah a tupa le Tuuno in phatna, pahtawina, minthanna le vangliatna, ngah tawntung ta hen,” a ci uh hi.

Isaiah 57:19

Nopsakna, nopsakna, a gamla le a nai mi khempeuh tungah om tahen. Keimah in amaute ka damsak ding hi, Topa in ci hi.

Sawltak 10:36

Mi khempeuh’ Topa ahi Jesuh Khrih hangin a kingah Lungdamna Thu, Israel mite tungah Pasian in a puakna thu na thei uh hi.

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

2 THESALONIKA NIHNA 2:16

I Topa Jesuh Khrih mahmah leh, eite hong itin, a hong hehpihna tawh thakhauhna le lametna a hong pia tawntung eite’ Pa Pasian in

Filippi 2:11

Jesuh Khrih in Topa ahi hi, ci-in taangko-in Pa Pasian a min thangsak ding uh hi.

Luka 3:22

vakhu pumpi lim nei-in Kha Siangtho ama tungah hong kumsuk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Mattiu 21:9

A mai-a pai mihonte le a nunga zui mihonte awng uh a, “David’ suan Jesuh in phatna ngah ta hen! Topa’ min tawh hong pai pa in thupha ngah ta hen! A sangpena om Pasian in phatna ngah ta hen!” a ci uh hi.

Isaiah 49:13

Vantungte aw, lungdamin la sa un. Leitung aw, lungdamin diang in. Mual liante aw, lungdamin la sa-in awngkhia un! Bang hang hiam cih leh Topa in ama mite hehnem ta a, gimna a thuak ama mite hehpih ta ding hi.

Efesa 1:9

Pasian in a pilna le a thumuhnate zangin ama geelsa bangin hong sem a, Khrih zangin a sepnop thusimteng eite tungah hong kilangsak hi.

Efesa 1:6

Ama it Tapa hangin hih bangin letsong hong pia ahih manin ama hong hehpihna hangin Pasian phat ni.

Isaiah 44:23

Vantungte aw, Topa in tua thu sem khin ahih manin la sa un. Lei thuknate aw, awng un. Mualte aw, la sa-in awngkhia un. Tulak le a sunga om sing khempeuh aw, awng un. Bang hang hiam cih leh Topa in Jakob honkhia khin a, Israel sungah amah kiminthangsak ding hi.

Filippi 2:13

Bang hang hiam cih leh note in utna lungsim na neih nading uh le ama deihna na zuihzawh nadingun note sungah Pasian in a tawntungin na a hong sem ahi hi.

Efesa 2:7

Khrih Jesuh tungtawnin a hong lah ama hehpihna le a hong itna bangzah takin lianin lamdang ahi hiam, ci-in a hong tung ding hunah a hong lah tawntung theih nadingin hih bangin a hong thokhawmsak ahi hi.

Efesa 2:4

Tua bang hinapi-in Pasian’ hong hehpihna le eite hong itna lian mahmah ahih manin,

Johan 14:27

Note tungah keima neih bang lungnopna ka hong pia ding hi. Tua ka hong piak ding lungnopna pen leitung mite in a piaktheih a kip lo lungnopnate pawl hi lo hi. Tua ahih manin lau kei unla, zong lungkham kei un.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Micah 5:5

Amah in lungnopna hong omsak ding hi. Assiria mite in i gam hong simin i galdalna teng hong suk ciangin, amaute a do dingin i makai hatpen teng i sawl ding hi.

Luka 2:13

Tua khit phetin tua vantungmi tawh vantung mihonpite thakhatin hong omin Pasian phatna la sa uh a,

Luka 2:15

Vantung mite vantungah a ciahkik khit uh ciangin tuucingte in, “Bethlehem khua-ah pai-in, Topa’ hong gen hih thupiang va en ni,” a kici uh hi.