Luka 2:13 - Tedim Bible

¹³ Tua khit phetin tua vantungmi tawh vantung mihonpite thakhatin hong omin Pasian phatna la sa uh a,

Tedim Bible Revision 2017

¹³ Tua khit phetin tua vantungmi tawh vantung mihonpite thakhatin hong omin Pasian phatna la sa uh a,

Luka 2:13 Referans Kwoze

Mangmuhna 5:11

Tua ciangin ka khuadak leh tokhom le ganhing lite le upate’ kimkotah atul-amakin a ding miaimuai vantung mite’ awging ka za hi.

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

Late 148:2

Ama vantungmi khempeuh aw, amah phat un. Ama mihonte khempeuh aw, amah phat un.

Hebru 1:14

Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Daniel 7:10

tua sung panin meikuang a hong leengkhia niloh hi. Ama nasem ding mihing tul za tampi om a, a mai-ah mihing tul za sawm tampi a ding uh hi. Thukhenna ding hun kipan a, laibute a kiphen hi.

Luka 15:10

Tua mah bangin mawhnei mi khat a kisikkikna hangin Pasian’ vantung mite lungdam mahmah uh hi,” a ci hi.

JOB (Job) 38:7

Tua ni-in zingsang aksite in la sa khawm uh a, Pasian’ tapate lungdamin a kiko uh hi.

Late 68:17

Leeng muanhuai tul sawmnih, vantungmi a tultul tawh, Sinai mual pan siangtho munah Topa hong pai hi.

Piancilna 28:12

Amah in mang man a, leitungah kahlei khat kiphutin, a kahlei dawn in van ban hi. Pasian’ vantung mite tua kahlei tungah kah to-in a kum suk a mu hi.

Ezekiel 3:12

Tua ciangin Pasian’ kha in hong paipihto a, zinling zahin a gin’ ngaih awging khat ka nungah ka za a, “Vantungah a om Topa, ama minthanna hangin phat un,” ci-in a kiko hi.

1 PETER MASA 1:12

Vantung panin a hong kisawl Kha Siangtho’ vangliatna tawh thu a gen thupuakte’ tung panin na zak uh Thute mah kamsangte in a gen laitakun, tua a thugente uh amaute a’ ding hi loin note a’ ding ahihna thu, Pasian in tua kamsangte tungah a na genzo hi. Vantung mite nangawn in hih thute a theihtelnop khat uh ahi hi.

Luka 2:12

Amah na theih nading uh a lim hih bang hi ding hi: Puan tawh kitun naungek khat, gan annekna kuang sungah a kisial na mu ding uh hi,” a ci hi.

Luka 2:14

“Van a sang belna-ah a om Pasian’ min thang hen la, ama pahtak leitung mite tungah nopna om ta hen,” a ci uh hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.