Luka 19:46 - Tedim Bible

⁴⁶ “‘Ka inn pen thungetna inn kici ding hi,’ ci-in Pasian in a genna thu Lai Siangtho sungah kigelh hi. Ahi zongin note in gutate’ bukna phualpi na suaksak uh hi,” ci-in amaute kiangah a gen hi.

Tedim Bible Revision 2017

⁴⁶ “‘Ka inn pen thungetna inn kici ding hi,’ ci-in Pasian in a genna thu Lai Siangtho sungah kigelh hi. Ahi zongin note in gutateʼ bukna phualpi na suaksak uh hi,” ci-in amaute kiangah a gen hi.

Luka 19:46 Referans Kwoze

Isaiah 56:7

ka mual siangtho-ah paipihin keima thungetna inn sungah ka lungdamsak ding a, amaute’ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh a dingin thungetna inn kici ding hi.

Jeremiah 7:11

Ka min tawh a kilo hih biakinn no’ ngaihsutna-ah misuam mi buluhte’ bukna mun bangin ngaihsun na hi uh hiam? Keimah in note’ hih khempeuh kong mu khin hi, Topa in kong ci hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Ezekiel 43:12

Biakinn tawh kisai ngeina in: Mualtung a om biakinn kimkot mun khempeuh pen biakna tawh kisai-in a siangtho ahi hi.

Late 93:5

Na thupiaknate kip mahmah hi. Topa aw, sianthona pen a tawntungin na inn tawh a kilawm ahi hi.

Hosea 12:7

Sumbukte in tawitehna man lo zang uh a, amaute in mi khem ding nuam a sa uh hi.

Mattiu 21:13

Amaute kiangah, “Pasian in Lai Siangtho sungah, ‘Ka inn pen thungetna inn kici ding hi,’ ci napi-in, note in guktakna phualpi na suaksak uh hi,” a ci hi.

Marka 11:17

Tua ciangin mite kiangah thu hilh a, “Ka inn pen mi khempeuh a dingin thungetna inn kici ding hi,” ci-in Pasian in a genna thu Lai Siangtho sungah kigelh hi lo ahi hiam? Ahi zongin note in guta buluhte’ bukna mun na suaksak uh hi, ci-in thu a hilh hi.