Luka 19:17 - Tedim Bible

¹⁷ Amah in, ‘Hoih mahmah hi; nang pen nasem gina na hi hi. Thuneu-ah citak na hih manin khuapi sawm na uk ding hi,’ a ci hi.

Tedim Bible Revision 2017

¹⁷ Amah in, ‘Hoih mahmah hi; nang pen nasem gina na hi hi. Thuneu ah citak na hih manin khuapi sawm na uk ding hi,’ a ci hi.

Luka 19:17 Referans Kwoze

Luka 16:10

“A tawmno-ah a diktatte pen a tamah zong diktat uh a, a tawmno-ah a citak lote pen a tamah zong citak lo uh hi.

Mattiu 25:21

a topa in, ‘Hoih mahmah hi; a hoih a citak nasempa aw, a tawmno na zekna-ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A siathei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manphazaw note’ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuakzawh uhleh Khrih hong kilat Ni ciangin phatna, minthanna, le pahtawina na ngah ding uh hi.

1 SAMUEL MASA 2:30

Tua ahih ciangin Israel-te’ Pasian, Topa in thu hong genin: ‘Nangma innkuan le na behte keima mai-ah sungtumin pusuak tawntung ding hi, ci-in thu ka ciamsa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi ding a, kei hong simmawhte ka simmawh ding hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

Piancilna 39:4

Tua ahih ciangin Josef in ama mai-ah maipha ngahin ama na sem a, amah in a innsung ukpa-in bawlin a neih khempeuh a uk dingin a koih hi.

1 PETER MASA 5:4

Tuucing pipa hong pai ciangin a mual ngei lo minthanna lukhu a hong pia ding hi.

2 TIMOTI NIHNA 2:10

Tua ahih manin Pasian’ teel mite in zong Khrih Jesuh hangin hotkhiatna le tawntung minthanna a ngahkhawm theih nadingun amaute’ hangin na khempeuh ka thuak hi.

ROM (Romans) 2:29

Jew mi taktak i cihte pen, a sunglamah Jew mi ahite ahi hi. A vun ki-atna uh lungsim vun atna hi a, kha thu tawh a kisai ahi hi. Thukham zui-in pumpi tung vun atna pawl hi lo hi. Hih bang mite pen mihingte in phat loin Pasian in phatin a pakta hi.

Luka 22:30

Keima Ukna sungah anne tuidawnin sabuai kiimah na tu ding uh a, Israel minam sawm le nihte tungah thu a khen dingin thukhenna tokhom tungah na tu ding uh hi,” a ci hi.

Paunak 27:18

Theikung a cing pa in a theigah ne a, a tapa a kem pa in pahtakna ngah hi.

Luka 19:16

A nasem khat hong pai masa a, ‘Topa aw, nong sum piak zakhat tawh tulkhat ka meetsak hi,’ hong ci hi.

Luka 19:18

Tua ciangin a nasem nihna pa hong pai a, ‘Topa aw, nong sum piak zakhat tawh zanga ka meetsak hi,’ hong ci hi.