Luka 19:12 - Tedim Bible

¹² “Khatvei, ulian khat om a, kumpi za a lakkhit ciangin a ciahkik dingin gamlapi gamah a pai dingin a ding khia hi.

Tedim Bible Revision 2017

¹² “Khat vei, ulian khat om a, kumpi za a lak khit ciangin a ciahkik dingin gamlapi gamah a pai dingin a ding khia hi.

Luka 19:12 Referans Kwoze

1 PETER MASA 3:22

Tu-in vantungah tua Khrih pai khin a, Pasian’ taklamah omin, vantung mite le ukna aana a neite khempeuh tungah a ukin a om hi.

Hebru 9:28

mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Luka 20:9

Tua ciangin Jesuh in mite kiangah thugentehna khat gen a, “Mi khat in lo zuanin leenggui suan a, lo khawhlawhte khawhlawh sakin, amah gam dangah pai-in sauveipi a tam hi.

Mangmuhna 1:7

En un, amah hong paita ding a, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

1 KORIN MASA 15:25

Bang hang hiam cih leh Pasian in a galte khempeuh zo-in a khenuai-ah a koihkhit hun dong mateng Khrih in uk ding hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

Luka 24:51

Amaute thupha a piak laitakin amaute kiang panin paikhia-in vantungah amah a kilato hi.

Marka 16:19

(Tua bangin Topa Jesuh in amaute tungah thu a gen khit ciangin vantungah kilato-in Pasian’ taklamah a tu hi.

Marka 12:1

Tua ciangin Jesuh in amaute kiangah thugentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.

Mattiu 21:38

Ahi zongin lo khawhlawhte in a tapa a muh uh ciangin, ‘Hih pa pen a gamhluah ding pa ahi hi. Hong pai un; amah thatin a luah dingteng eite inla ni,’ a kici uh hi.

Mattiu 28:18

Tua ciangin amaute mai-ah Jesuh hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.