Luka 18:9 - Tedim Bible

⁹ Amaute hoih kisa mahmahin, midang khempeuh a simmawhbawl mite tungah Jesuh in zong thugentehna khat gen a,

Tedim Bible Revision 2017

⁹ Amaute hoih kisa mahmah in, midang khempeuh a simmawh bawl mite tungah Jesu in zong thu gentehna khat gen a,

Luka 18:9 Referans Kwoze

Luka 16:15

Jesuh in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsimtawng uh a hong thei hi. Bang hang hiam cih leh mihingte in a manpha mahmahin a ngaihsutte pen Pasian in bangmahin sim lo hi.

Paunak 30:12

Amaute a nin mahmah hinapi-in amau’ muhna-ah siang a kisa mahmah mi pawlkhat om hi.

Isaiah 65:5

“Note kiang panin kote hong kituamkoih ahih manin kihemkhia unla, ko kiangah hong pai kei un,” ci-in midangte tungah a gen mite - hih bang mite khempeuh a sang dingin a beisa hun sungah ka kiging tawntung hi. Hih bang mite ka thuakzo nawn kei hi. Amaute tungah ka hehna pen a mit ngei lo meikuang tawh kibang hi.

ROM (Romans) 10:3

Amaute in Pasian tawh kipawl theih nading lampi man thei loin amau theihtawmna tawh hanciam kha uh ahih manin amah tawh kipawl theih nadingin lampi a khun’ zui kha lo uh hi.

ROM (Romans) 14:10

Tua ahihleh bang hangin na Khristianpihte uh tungah thu khen a, bang hangin simmawhbawl thei na hi uh hiam? Thukhenna a thuak dingin Pasian’ mai-ah eite khempeuh a ding ciat ding ihi hi.

Luka 7:39

Jesuh a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numeinu a bangci mi ahi hiam cih thei ding a, ama gamtat hoih lohna teng zong thei ding hi,” a ci hi.

ROM (Romans) 7:9

Thukham ka theih ma-in mi nungta ka hi ngei a, thukham ka theih ciangin mawhnopna lungsim hong khangin kei ka si hi.

Luka 19:7

Hih thu a thei mi khempeuh phun uh a, “Mimawh pa’ inn-ah a giak dingin Jesuh a pai hi,” a ci uh hi.

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Sawltak 22:21

Tua ciangin Topa in kei kiangah, ‘Gentail mite omna gamlapi-ah hong sawl ding ka hih manin pai peuh in,’ hong ci hi,” a ci hi.

Johan 9:34

Tua ciangin amaute in, “Mawhna bulomtang sung panin suakin a khangkhia mipa in kote tungah thu hong hilhsawm na hi hiam?” ci-in tua mittaw ngei pa a hawlkhia uh hi.

Johan 9:28

Tua ciangin amaute in mittaw ngei pa kobawlin, “Nang pen ama nungzui na hi a, kote ka hih uhleh Moses’ nungzui ka hi uh hi.

Johan 8:48

Tua ciangin Jew mihonte in, “Nang Samaria mi hi-in, dawivei hi teh, ka hong cih uh a man mah hi lo ahi hiam?” a cih uh ciangin

Luka 15:2

Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

Luka 10:29

Ahi zongin Thukham hilh siapa amah kitangsak nuam ahih manin Jesuh kiangah, “Ka vengte i cih kuate ahi hiam?” ci-in a dong hi.

Isaiah 66:5

Ama thu-ah lau-in a ling mite aw, Topa’ thu za un: Keima tungah note nong cihtakna hangun na mipihte uh pawlkhat in note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

ROM (Romans) 14:3

Tua ahih manin a ne mite in a tang mite simmawhbawl kei hen la, a tang mite in zong a ne mite simmawhbawl kei hen. Bang hang hiam cih leh a ne mite zong Pasian in a san mite mah ahi hi.

Siampi Laibu 13:32

a ni sagih ni-in siampipa in a natna vel ding hi. A cithak kilawh loin, a sungah mul eng om loin, a cithak pen a vun sangin thukzaw loin a kimuh leh,