Luka 18:43 - Tedim Bible

⁴³ Amah in zong thakhatin khua muthei pah a, Jesuh zui-in Pasian tungah a lungdamna a ko hi. Mihonpite in zong a muh ciangin a vekpi-un Pasian a phat uh hi.

Tedim Bible Revision 2017

⁴³ Amah in zong thakhatin khua mu thei pah a, Jesu zui-in Pasian tungah a lungdamna a ko hi. Mihonpite in zong a muh ciangin a vekpi-un Pasian a phat uh hi.

Luka 18:43 Referans Kwoze

Late 146:8

Topa in mittawte khua a musak hi. Topa in niamsakna a thuak mite sangtosak a, Topa in thuman mite a it hi.

Galati 1:24

Tua hi a, keima tunga thupiang hangin amaute in Pasian’ min a phat uh hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Sawltak 4:21

Ahi zongin uliante in a khauhzaw-in thu a gen khit uh ciangin a khah uh hi. Hih thupiang hangin mi khempeuh in Pasian phat uh ahih manin hih mite gim a piak nading uh a thu mu thei lo uh hi.

Luka 13:17

Hih Jesuh’ dawnna in alangte khempeuh maizumsak a, Jesuh’ sep hih na lamdangte khempeuh hangin midang khempeuh a lungdam mahmah uh hi.

Luka 5:26

Tua ciangin amaute khempeuh in lamdangsa mahmah uh a, lau mahmah kawmin Pasian phatin, “Tuni-in a lamdang mahmah na khat i mu hi,” a ci uh hi.

Luka 4:39

Jesuh zong pai-in a lupna gei-ah ding a, a cinatna a taii ciangin a nattutna dampah a, amah zong thozo pahin a zinte a dozo pah hi.

Mattiu 21:14

Biakinn sung Jesuh kiangah mittawte le khebaite hong pai uh a, amah in amaute a damsak hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Mattiu 9:8

Mihonte in hih thu a theih uh ciangin lau mahmah uh a, Pasian in mihingte tungah hih bang vangliatna a piakna hangin ama min a phat uh hi.

Isaiah 42:16

“Amau’ theih loh lampi-ah mittawte ka paipih ding a, amau’ theih ngei loh sul zuihpihin ka kha ding hi. Amau’ mai-ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

Isaiah 35:5

Tua ciangin mittawte’ mit kihong ding a, bilngongte’ bil kihong ding hi.

Late 107:15

Ama itna kip le mihing tate tungah a lamdang a nasepnate hangin amaute in Topa tungah lungdamna ko ta uh hen.

Late 107:8

Ama itna kip le mihing tate tungah a lamdang ama sepnate hangin amaute in Topa’ tungah lungdamna ko ta uh hen.

Late 30:2

Topa ka Pasian aw, huhna a hong ngenin nang tungah kong awng a, kei na hong damsak khin hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Luka 19:37

Jerusalem khua a tunkuan, Oliv Muala lam suktuah a kipatna panin Jesuh’ nung a zui mihonpite khempeuh in amau muhsa nalamdang liante hangin, nakpitakin a gingin Pasian’ tungah lungdamna ko-in amah phat ding kipan uh a,

Luka 9:43

Hih bangin Pasian a vang a liatna hangin mi khempeuh in lamdang a sa uh hi. Mite in Jesuh’ hihnate khempeuh lamdangsa-in a om laitakin Jesuh in a nungzuite kiangah,