Luka 18:32 - Tedim Bible

³² Pasian in Gentail mite’ khut sungah amah ap ding a, amaute in zahpihin, simmawhin, cilphih ding uh hi.

Tedim Bible Revision 2017

³² Pasian in Gentail miteʼ khut sungah amah ap dinga, amaute in zahpihin, simmawhin, cilphih ding uh hi.

Luka 18:32 Referans Kwoze

Luka 23:11

Tua ciangin Herod le galkapte in Jesuh zahko-in simmawh bawl uh a, kumpi puantualpi a silhsak khit uh ciangin Pilat kiangah a puakkik uh hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Isaiah 50:6

Hong satte, ka nung ka dawh a, ka khamul-in a hong kai mite, ka paang ka dawh hi. Maizumna le cilphihna panin ka maitang ka hei kei hi.

Sawltak 3:13

I pupite Abraham, Isaac, le Jakob Pasian in a nasem Jesuh tungah ama vangliatna a pia hi. Note in aana neite khut sungah tua Jesuh na pia uh a, Pilat mangpa in amah khah dingin a ngaihsut khit ciang nangawnin Pilat’ maitang mahah amah na nial teitei uh hi.

Marka 14:65

Tua ciangin mi pawlkhat in cilphih uh a, a mai tunsakin beeng uh a, “Kua in hong beng ahi hiam, gen in,” a ci uh hi. Palikte in zong amah paipihin a beeng uh hi.

Mattiu 26:67

Tua ciangin amaute in a maitang cilphih uh a,

Mattiu 16:21

Tua hun a kipanin Jesuh in a nungzuite kiangah, “Jerusalem khua-ah ka pai ding hi. Upate, siampi liante, le Thukham hilh siate tung panin gimna tampi ka thuak ding hi. Kei hong kithat ding a, ni thum ni-in hong kihing kiksak ding hi,” ci-in teltakin gen a kipan hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makai pa a hong sim uh ahi hi.

Isaiah 52:14

Mi tampite in amah lamdang sa uh hi. Mihing a bang nawn lo zah dongin nakpitakin a mai sia a, mihing a sun nawn lo zah dongin a mel a sia hi.

Sawltak 2:23

Pasian in thu a ma theihkholhna le ama geelna tawh kizui-in note’ khut sungah tua Jesuh a hong piak ding a ngaihsutsa hi a, note in singlamteh tungah khai-in migilote’ khut tawh amah na that uh hi.

Johan 18:35

Pilat in, “Kei, Jew mi hong sa na hi hiam? Na Jew mipihte le na siampi liante un kei kiangah nang hong ap uh hi. Bang gamta khial na hi hiam?” a ci hi.

Johan 18:30

amaute in, “Hih mipa a gamtat a sialo hileh nang kiangah ka hong paipih kei ding uh hi,” ci-in a dawng uh hi.

Johan 18:22

Hih bangin Jesuh a pau ciangin biakinncing palikte khat in Jesuh beeng a, “Bang hangin hih bangin siampi lianpen pa tungah kampau ngam na hi hiam?” a ci hi.

Luka 23:35

Jew mi upate in Jesuh zahko-in, “Amah in midangte honkhia hi. Pasian teelsa Khrih ahih takpi leh amah le amah kihonkhia ta hen,” ci-in a simmawhbawl laitakun tua lai-a ding mite in a enen uh hi.

Luka 23:1

Tua ciangin a vekpi-in ding khia uh a, Pilat mai-ah a paipih uh hi.

Mattiu 27:2

Sikkhau tawh khihin paipih uh a, tua gam sungteng a uk Pilat mangpa khut sungah a ap uh hi.

Johan 18:28

Tua ciangin Kaiafas’ inn panin gam ukpa Pilat’ omna kumpi inn-ah Jesuh a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suahtheih nadingun kumpi inn huang sungah lut lo uh hi.

Marka 15:1

A zingsang ciangin siampi liante in upate, Thukham hilh siate, le ulian dang khempeuh tawh thu kikupna khat nei uh a, Jesuh a henkhit uh ciangin paikhiatpihin Pilat tungah a ap uh hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihing kiksak ding hi,” ci-in a tuamin thu a hilh hi.

Mattiu 22:6

adangte in a nasemte manin a na satgawp khit uh ciangin a na that uh hi.

Luka 18:33

Tua ciangin amah satin that ding uh a, ahi zongin a ni thum ni-in hingkik ding hi,” a ci hi.

Johan 18:32

(Jesuh in ama sihna dingzia a gensa thu a tuntheih nadingin hih bangin a piang ahi hi.)