Luka 18:24 - Tedim Bible

²⁴ Jesuh in ama dahna a muh ciangin, “Pasian’ Ukna sungah mihaute a lut ding bangzah takin haksa ahi hiam?

Tedim Bible Revision 2017

²⁴ Jesu in ama dahna a muh ciangin, “Pasianʼ Ukna sungah mihaute a lut ding bangzah takin haksa ahi hiam?

Luka 18:24 Referans Kwoze

Paunak 30:9

Haulua leng nang hong nialin, “Topa i cih kua ahi hiam?” kong ci kha ding a, zawnglua leuleu leng mi’ na guksakin ka Pasian’ min kong daisak khazel ding hi.

Paunak 11:28

Tuk lai-a singteh tam bangin midikte’ hauhna khang ding a, phalbi lai-a singteh pulh bangin hauhna a suangte kiam ding uh hi.

Late 10:3

Bang hang hiam cih leh migilo in a lungsim deihna kisaktheihpih a, ngahna dingah a huaiham pa in Topa phuisamin a taisan hi.

Marka 6:26

Hih thu a zak ciangin kumpipa dah mahmah hi. Ahi zongin a kiciamnasa hang le a leenglate’ maitang a zahtakna hangin nial ngam lo hi.

Jeremiah 5:5

Miliante kiangah pai-in ka va kiho ding uh hi. Amaute in Topa’ lampi thei uh a, amau’ Pasian’ deihna thei uh hi,” ci-in ka ngaihsun hi. Ahih hangin a vekpi-un ka uk ding nial khin uh a, ka hakkol kuaitanin ka henna khaute sutat khinzo uh hi.

Jeremiah 2:31

No Israel mite aw, Topa’ kammal limtakin ngai dih un. Israel-te a dingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Paunak 18:11

Khuapi kiima kulhpi in amah a hut bangin a hauhna in amah a hu dingin mihau pa in ngaihsunkha hi.

Luka 18:23

Ahi zongin tua mipa in hih thu a zak ciangin amah hau mahmah ahih manin a dah a suak hi.