Luka 18:12 - Tedim Bible

¹² Nipikal khatin ni nih sung an ka tang a, ka ngah khempeuh sung panin sawm-ah-khat nang tungah kong pia hi,’ a ci hi.

Tedim Bible Revision 2017

¹² Nipikal khatin ni nih sung an ka tang a, ka ngah khempeuh sung panin sawm-ah-khat nang tungah kong pia hi,’ a ci hi.

Luka 18:12 Referans Kwoze

Luka 11:42

“No Farisi mite in gimna na thuak ding uh hi. Note in Pasian tungah lengmasel, thuambuak a kipan anteh theipuam dongin sawm-ah-khat pia napi-in, mite tungah thuman ding le Pasian it ding na donkha kei uh hi. Hihte khempeuh na hihkim ding uh hi a, paihkhiat na neih ding uh hi lo hi.

Mattiu 9:14

Tua ciangin Jesuh kiangah Tuiphumpa Johan’ nungzuite hong pai uh a, “Bang hangin kote le Farisi mite in an tang zelzel napi-in, na nungzuite in tang lo se ahi uh hiam?” ci-in a dong uh hi.

Luka 17:10

Tua mah bangin note in zong hong kisawlteng na sepkhit uh ciangin, ‘Nasem mawkmawkte mah ihi a, i tavuanteng bek mah a sem khin ihi hi,’ na ci uh hi,” ci-in a dawng hi.

1 TIMOTI MASA 4:8

Pumpi kisekin kisinna manpha hi. Ahi zongin kha thu-ah kisekin kisinna pen tuhun laitak le a hong tung ding hunah nuntakna hong piathei ahih manin manphazaw lai hi,

Mattiu 6:1

“Biakna tawh kizomin na hoih khat peuhpeuh na sep uh ciangin mite’ phat ding deihna tawh a kilang theithei dingin na sepkhak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Malakhi 3:8

Keimah in note kong dotnop thu pen, mi khatpeuh in Pasian’ na guksak ding kilawm ahi hiam? Kilawm lo hinapi-in note in nong guksak uh hi. Ahi zongin note in, ‘Bang hong guksak ka hi uh hiam?’ na ci uh hi. Sawm-ah-khat piakna le biakpiaknate ah nong guksak uh hi.

Efesa 2:9

Note’ hanciamna tawh a ngah hi lo na hih manun na kisialh nading uh a thu om lo hi.

Galati 1:14

le ka khangualte lakah Jew biakna lamah a makai pen ka hihna thu, le ka pu ka pate uh tang ngeinate a nakkin mahmah ka hihna a kipanin ka pianzia ngeisate khempeuh na zaksa na theihsa uh ahi hi.

1 KORIN MASA 1:29

Tua ahih manin Pasian’ mai-ah mite a kisaktheih nading thu om lo hi.

ROM (Romans) 3:27

Tua ahihleh mihingte in i kisialhpih ding bang om ahi hiam? Bangmah om lo hi. Bang bulphuh ding ihi hiam? Thukham zuihna bulphuh ding ihi hiam? Hi lo hi. I upna a bulphuh ding ihi hi.

Mattiu 6:16

“An na tan’ uh ciangin a kineihkhem mite bangin maikhingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan’ thaman uh a ngah khinta ahih lamtak limtakin thei un.

Mattiu 6:5

“Note in thu na nget uh ciangin mite’ muh theih dingin a kineihkhem mite in kikhopna innsung le kongzing lamka lai-ah a ngetnop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Isaiah 1:15

“Thungenin na khutte uh nong zaak uh ciangin note kong en kei ding a, thu tampi na nget uh hangin ke’n ka ngai tuan kei ding hi. Bang hang hiam cih leh sisan tawh note’ khut kidim hi.

2 KUMPI NIHNATE 10:16

Tua ciangin amah in, “Kei hong zui inla, Topa a’ ding ka deihluatna hong thei in,” a ci hi. Tua ahih ciangin Jehu in a leeng sungah amah tuangsak hi.

1 SAMUEL MASA 15:13

Tua ciangin Samuel hong pai a, Saul in ama kiangah, “Topa’ thupha na tungah hong tung hen. Topa’ thupiakna ka sem khin hi,” a ci hi.

Gamlak-vakna 23:4

Pasian in Balaam na dawn hi. Balaam in ama kiangah, “Biakna tau sagih ka bawl khin a, biakna tau simah bawngtal khat le tuutal khat ciat ka pia hi,” a ci hi.

Gamlak-vakna 18:24

Bang hang hiam cih leh amaute in biakna-in Topa’ tungah a piak uh Israel mite’ sawm-ah-khat pen Levi mite tungah luah dingin ka pia khin hi. Tua ahih ciangin Israel mite lakah amaute in luah a neih loh ding uh ka gensa ahi hi,” a ci hi.

Mattiu 5:20

Tua ahih manin Pasian’ deihna bangin gamtat nading thu-ah Thukham hilh siate le Farisi mite sangin na cihtakzawk uhleh vantung ki-ukna sungah a om thei bek ding na hi uh hi.