Luka 18:11 - Tedim Bible

¹¹ Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Tedim Bible Revision 2017

¹¹ Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Luka 18:11 Referans Kwoze

Mattiu 6:5

“Note in thu na nget uh ciangin mite’ muh theih dingin a kineihkhem mite in kikhopna innsung le kongzing lamka lai-ah a ngetnop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Mangmuhna 3:17

Note a zawng, a mittaw, puansilh ding a nei lo, a hehpihhuai, a lungkhamhuai na hih lamtak uh thei loin, kote hau-in ka cithei uh a, bangmah kisapna ka nei kei uh hi, na ci uh hi.

Isaiah 65:5

“Note kiang panin kote hong kituamkoih ahih manin kihemkhia unla, ko kiangah hong pai kei un,” ci-in midangte tungah a gen mite - hih bang mite khempeuh a sang dingin a beisa hun sungah ka kiging tawntung hi. Hih bang mite ka thuakzo nawn kei hi. Amaute tungah ka hehna pen a mit ngei lo meikuang tawh kibang hi.

Jeremiah 2:35

nang in, ‘Kei ka mawh kei hi, kei tungah Pasian heh nawn lo hi,’ na ci hi. En in, ‘Kei ka mawh kei hi,’ na cih manin nang tungah thu kong khen ding hi.

Marka 11:25

Thungen dingin na din uh ciangin midang tungah na hehna uh a om khat peuhpeuh maisak un; tua hileh vantungah a om na Pa un note’ mawhna hong maisak ding hi.

Galati 3:10

Hih thu tawh kisai-in Lai Siangtho in, “Thukham laibu sunga kigelh khempeuh a vekpi-in a zuikhin tawntung lote in Pasian’ samsiatna thuak hi,” ci ahih manin Thukham a suangte pen samsiatna a ngah mite ahi uh hi.

Luka 20:47

Meigong numeite tungah nuamtaksa-in, khemin a neihsateng uh laksak uh a, mite in mihoih a sak nading uh a deihna-un thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uhah amau’ meetna ding bek ngaihsun uh hi.

Jeremiah 2:28

“Note-a’ dinga na bawl uh na pasian-te uh koi-ah om ahi hiam? Haksatna na tuah uh ciangin a hong hon thei ahihleh kihonsak ta un; bang hang hiam cih leh Judah gam aw, na khuapi zahzah uh pasian na nei tazen uh hi.

Isaiah 58:2

Amaute pen, thumanin a gamta, amau’ Pasian’ biakna ngeina kipte a nusia lo minam bang keekin nisimin amaute in kei hong zong uh a, keima lampi a thei nuam uh hi. Amaute in keima kiang panin thukhenna man hong ngen uh a, Pasian’ kiang hong nai nuam uh hi.

Late 134:1

Zan khuavakin Topa’ inn sungah a ding, Topa’ nasemte khempeuh aw, hong pai-in Topa phat un.

Filippi 3:6

nak hahkatlua kisa-in pawlpite nangawn ka bawlsia hi. Thukham zuihna tawh midik kitang ding hileh paubaanna mahmah ka nei kei hi.

Isaiah 1:15

“Thungenin na khutte uh nong zaak uh ciangin note kong en kei ding a, thu tampi na nget uh hangin ke’n ka ngai tuan kei ding hi. Bang hang hiam cih leh sisan tawh note’ khut kidim hi.

Paunak 20:6

Mi khempeuh pen mi citakin kigen kim uh hi; ahi zongin a citak takpi ding mi kimuzo ding ahi hiam?

Paunak 30:12

Amaute a nin mahmah hinapi-in amau’ muhna-ah siang a kisa mahmah mi pawlkhat om hi.

Mattiu 5:20

Tua ahih manin Pasian’ deihna bangin gamtat nading thu-ah Thukham hilh siate le Farisi mite sangin na cihtakzawk uhleh vantung ki-ukna sungah a om thei bek ding na hi uh hi.

Mattiu 10:3

Filip le Bartholomew, Thomas le siahdongpa Matthai, Alfeas’ tapa James, Thaddeas,

Luka 22:41

Tua ciangin amaute kiang panin suanglot khat tan bang pailai a, khukdinin thu ngen a,