Luka 17:30 - Tedim Bible

³⁰ Mihing Tapa hong kilat ni ciangin zong tua mah tawh hong kibang ding hi.

Tedim Bible Revision 2017

³⁰ Mihing Tapa hong kilat ni ciangin zong tua mah tawh hong kibang ding hi.

Luka 17:30 Referans Kwoze

Mangmuhna 1:7

En un, amah hong paita ding a, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

2 THESALONIKA NIHNA 1:7

tu-a gimna a thuak note le kote tungah zong nopsakna hong pia ding hi. Vantung panin Topa Jesuh le a vanglian a vantung mite, meikuang tawh hong kilat ciangin,

1 KORIN MASA 1:7

i Topa Jesuh Khrih hong kilatkik ding ngakin na om hun sungun thupha na ngah loh uh khat beek om lo hi.

1 PETER MASA 1:13

Tua ahih manin na lungsim uh ki-ukin a kigingsa-in om unla, Jesuh Khrih hong kilat ni ciangin na ngah ding uh hehpihna thupha ngaihsutin nei un.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A siathei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manphazaw note’ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuakzawh uhleh Khrih hong kilat Ni ciangin phatna, minthanna, le pahtawina na ngah ding uh hi.

Luka 21:27

Tua ciangin Mihing Tapa hong kilang ding a, minthanna le vangliatna tawh meii lakah hong pai ding hi.

Mattiu 24:3

Oliv Mual tungah Jesuh tu-in a om laitakin a nungzuite guak a tuamin hong pai uh a, “Hih thute cik ciangin hong piang ding a, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

1 PETER MASA 4:13

Tua bangin Khrih tawh thuakkhawm le-uhcin ama minthanna hong kilat ciangin note lungdam mahmah ding na hih manun, tua banga na thuakna uhah na lungdamzaw un.

Marka 13:26

Tua ciangin Mihing Tapa, vangliatna le minthanna tawh meii lakah a hong paisuk kimu ding hi.

Mattiu 26:64

Tua ciangin Jesuh in, “Nangmah in tua mah na ci khin hi. Ahi zongin note khempeuh kiangah ka hong genin-ah: Vanglianpa’ taklamah Mihing Tapa omin meii tungah a hong pai na mu ding uh hi,” a ci hi.

Mattiu 24:39

Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in theikhol lo ding uh hi.

Mattiu 24:37

Noah hun lai-in up hun lohpi khatin tuiciin a tun bangin Mihing Tapa zong up hun lohpi khatin hong pai ding hi.

Luka 21:22

Bang hang hiam cih leh Lai Siangtho sungah a kigelh mah bangin, ‘Gim Piak Ni,’ ahi hi.

Luka 17:24

Amah hong pai taktak ciangin khuaphialep in van mong khat pan mong khat dong hong taanzaih mah bangin kitheikim ding hi.

Luka 17:29

Sodom panin Lot a paikhiat ni-in van panin kaat leh meikuang hong kiasuk a, amaute khempeuh a kangtum hi.

1 KORIN MASA 1:8

Ama hong kilatkik hun ciang dong, a tawp dongin mawhna le kisuanna nei loin na om nadingun i Topa Jesuh Khrih mah in note hong huh ding hi.

Kolose 3:4

Note’ nuntakna taktak Khrih ahih manin amah hong kilat ciangin note zong amah tawh hong kilang khawmin amah tawh na minthang khawm ding uh hi.

1 JOHAN MASA 2:28

Ka itte aw, Khrih hong kilatkik ciangin lungmuang takin i omtheih nading le ama hong pai Ni ciangin i bukbuk loh nadingin amah tawh kiptakin kipawl ni.

1 JOHAN MASA 3:2

Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.