Luka 17:3 - Tedim Bible

³ Note hoihtakin kingaihsun un. Na sanggampa uh no tungah hong khialh leh amah taii unla, a kisik leh a mawhna maisak un.

Tedim Bible Revision 2017

³ Note hoihtakin kingaihsun un. Na sanggampa uh no tungah hong khialh leh amah taii unla, a kisik leh a mawhna maisak un.

Luka 17:3 Referans Kwoze

Siampi Laibu 19:17

“Note in na lungsim sung uhah na sanggampa uh na mudah kei ding uh a, na vengte uh tawh thu na kituah lohna uh kikum khawmin na siangsak ding uh hi; tua hikeileh ama hangin khialhna na pua ding uh hi.

Mattiu 18:21

Tua ciangin Peter in Jesuh va naih a, “Topa aw, ka sanggamte khatpeuh ka tungah hong khialh ciangin bangzah vei maisak ding ka hi hiam? Sagihvei dongtak maisak ding ka hi hiam?” ci-in a dot ciangin

Paunak 9:8

Mihaite thuhilh kei in; hong mudah ding uh hi. Mipilte thuhilh in; hong it ding uh hi.

Jeim 5:19

Sanggamte aw, note khatpeuh thuman lampi panin pialkha-in, adang khatpeuh in thuman lampi-ah a tun pihkik theih leh,

Paunak 27:5

Itna i seel bawl sangin a langtangin taina hoihzaw hi.

Thu-hilhkikna 4:23

Topa na Pasian un note tawh hong bawl thuciamna mangngilhin, Topa na Pasian un note’ hih dinga hong kham lim khat peuhpeuh tawh a kibang a kiseek milim na bawlkhak loh nadingun kidawm un.

Thu-hilhkikna 4:9

“Na mit un a muhsa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai-ah na din ni-un Topa in kei kiangah, ‘Leitungah a nuntak laiteng uh amaute in kei hong kihtakna ding le amaute in a tate uh a hilhsawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tate’ tungah kitheisak un.

Paikhiatna 34:12

Na paina leitangah a teng mite tawh thuciamna bawlkha kei inla, tua pen note a dingin thangzak a suahkhak loh nadingin nangmahmah kidawm in.

2 JOHAN NIHNA 1:8

Tua ahih ciangin na sepsa uh thuman taankha loin, a kimtakin na ngahtheih nadingun limtakin kidawm un.

Hebru 12:15

Pasian’ hehpihna a ngahlah na hihkhak loh nadingun na kidawm un. Zungkha a nei singkung hong khangin mi tampi gimsakin a siatsak bangin mite a siasak na hihkhak loh nadingun na kidawm un.

Efesa 5:15

Tua ahih ciangin hoihtakin kingaihsunin gamta unla, mihaite bang hi loin mipilte bangin gamta un.

Luka 21:34

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Paunak 17:10

Mihai khat zavei a kisatna sangin mipil khat khatvei tai-na in bunzaw hi.

Late 141:5

Mipha pa kei hong vuasak inla, ahih hangin migilote ka lu sathau nilhsak kei in; bang hang hiam cih leh amau’ gitloh gamtatnate nakpitakin langpangin thu ka ngenngen hi.

Thu-hilhkikna 4:15

“Tua ahih ciangin note hoihtakin kidawm un. Horeb-ah mei sung panin Topa in note’ tungah thu hong gen ni-in bangmah mu lo na hih manun,