Luka 17:21 - Tedim Bible

²¹ Hih lai-ah om hi, hua lai-ah om hi, cih bangin kuama gentheih hi lo hi. Bang hang hiam cih leh note lakah Pasian’ Ukna hong om khinzo hi,” ci-in a dawng hi.

Tedim Bible Revision 2017

²¹ Hih lai ah om hi, hua lai ah om hi, cih bangin kuama gen theih hi lo hi. Bang hang hiam cih leh note lakah Pasianʼ Ukna hong om khinzo hi,” ci-in a dawng hi.

Luka 17:21 Referans Kwoze

Mattiu 12:28

Note’ ngaihsut bang hi loin, Pasian’ Kha in dawi hawlkhiat nading vangliatna kei tungah hong pia ahih manin note lakah Pasian’ ukna hun hong kipan khin ahihna hong kilang hi.

ROM (Romans) 14:17

Bang hang hiam cih leh Pasian’ Ukna pen nekledawn tawh a kisai thu hi lo a, Kha Siangtho hangin i ngah Pasian’ deih bangin gamtatna, kilemna, lungdamna, cihte hizaw hi.

Marka 13:21

“Tua laitakin mi khatpeuh in, ‘Hih lai-ah Khrih om hi; hua lai-ah Khrih om hi,’ ci-in hong gen leh, um kei un.

Kolose 1:27

Pasian in mi khempeuh a dingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khrih tawh a kipawlte in Pasian tawh minthanna ngahkhawm ding hi, cihna ahi hi.

Luka 21:8

Jesuh in, “Kidawm unla, mi’ khemsa-in ta kei un. Bang hang hiam cih leh keimah a kineih mi tampi hong pai ding uh a, ‘Keimah, Khrih ka hi hi; a hun hong tungta hi,’ hong ci ding uh hi. Tua bang mite’ nung zuikha kei un.

Luka 17:23

Mite in, ‘Hih lai-ah om hi,’ hong ci ding uh hi. Ahi zongin amau’ cihna mun a en dingin paikhia kei un.

Johan 1:26

Johan in, “Keimah in tui sungah mite a phum lel ka hi hi. Ahi zongin tu mahmahin note’ muh ngei loh mipa, note’ lak mahah hong om hi.

Johan 18:36

Tua ciangin Jesuh in, “Keima ukna pen hih leitung gam hi lo hi. Keima ukna hih leitung gam hileh Jerusalem khua-a Jew mi uliante’ khut sungah hong kipiak loh nadingin ka nungzuite in a do ding uh hi. Tua ahih manin keima ukna pen hih leitung tawh kizom lo hi,” a ci hi.