Luka 16:9 - Tedim Bible

⁹ “Note kiangah kong genin-ah, hih na leitung sum uh a bei ciangin tawntung nuntakna inn-ah hong kilutsak theih nadingin lawm zonna-in hih leitung sumte na zang un.

Tedim Bible Revision 2017

⁹ “Note kiangah kong genin ah, hih na leitung sum uh a bei ciangin tawntung nuntakna inn ah hong kilutsak theih nadingin lawm zonna-in hih leitung sumte na zang un.

Luka 16:9 Referans Kwoze

Mattiu 19:21

Jesuh in, “Mi cingtaak na hihnop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi.

Mattiu 6:24

“Kuamah, to nih’ sila hikhawm thei lo hi. Khat mudahin khat it ding a, khat tungah thumanin khat simmawhbawl ding hi. Note in Pasian’ na le leitung sum na na semkhawm zo kei ding uh hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.

Luka 16:11

Hih leitung sumte-ah na cihtak kei uhleh kua in no tungah vantung sum hong ap ngam ding ahi hiam?

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Luka 14:14

Amaute in nang hong thukkik zo lo ding uh ahih manin nang a dingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.

Luka 12:33

Na neihsa uh zuak unla, mizawngte tungah tua sumte na pia un. Note a dingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei hetloh nading mun vantungah na sumte uh na khol un.

Luka 11:41

Ahi zongin na hai leh na kuang sung uhah a omte pen itna tawh mizawngte tungah pia le-uhcin, note a dingin na khempeuh hong siang ding hi.

2 KORIN NIHNA 4:17

Tuhun laitakin tomno sung lungkhamna ka thuakte uh in ka thuakna uh sangin nakpitakin a lianzaw tawntung minthanna sung hong tunpih ding hi.

Luka 16:13

“To nih’ na a semkhawmzo nasem kuamah om lo hi. A to khat mudahin khat it ding a, khat beelin khat a simmawh ding hi. Pasian’ na le leitung sum na na semkhawmzo kei ding uh hi,” a ci hi.

Sawltak 10:31

‘Kornelias aw, Pasian in na thungetnate hong za a, mizawngte na huhnate zong a hong thei hi.

Mattiu 6:19

“Nget in ne-in a kekseu theihna, gutate in luhin a guktheihna hih leitungah na sum uh khol kei un.

Juda 1:21

I Topa Jesuh Khrih in a hong hehpihna tawh nuntak tawntungna hong piak ding na ngakkawmun Pasian’ itna sungah na kip un.

Sawltak 10:4

Amah in zong laukawmin vantungmi en a, “Topa aw, bang thu ahi hiam?” a cih ciangin, “Pasian in na thungetna hong za a, mizawngte na huhna zong hong thei-in nang hong phawk hi.

Thuhilh-sia 11:1

Sumbawl nadingin na sumte zang in. Ni khat ni peuh teh a meet na ngah ding hi.

Paunak 23:5

Na ngahsa uh sumte mitphiat kalin beimang thei a, muvanlai bangin thakhatin leengmang thei hi.

Isaiah 57:16

Ka mite tungah nuntakna ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

Late 73:26

Ka lungsim le ka pumpi zawngkhal kha ding a, ahih hangin Pasian pen ka lungsim hatna le keima a’ hi tawntung ding hi.

Luka 16:4

Tu’n ka gamtat nading ka theita hi. Tua ka ngaihsut bangin gamta leng, ka nasepna panin ka tawp ciangin lawm nei-in, amaute in a inn-ah kei hong tungsak ding uh hi,’ ci hi.

Paunak 14:24

Pilna pen mipilte’ minthanna lukhu hi a, haina pen mihaite’ kizepna bulpi ahi hi.