Luka 16:8 - Tedim Bible

⁸ A diktat lo nasempa pen ama ngiansiamna hangin a topa in a pakta hi. Bang hang hiam cih leh Pasian thu a zui mite sangin leitung mihingte pen a nasepna uhah ngiansiam zaw uh hi.

Tedim Bible Revision 2017

⁸ A dik tat lo nasem pa pen ama ngiansiamna hangin a topa in a pakta hi. Bang hang hiam cih leh Pasian thu a zui mite sangin leitung mihingte pen a nasepna uh ah ngiansiam zaw uh hi.

Luka 16:8 Referans Kwoze

1 THESALONIKA MASA 5:5

Bang hang hiam cih leh note khempeuh, khuavak gamtatna a nei, sun khuavak mite na hi uh a, eite pen khuamial gamtatna a nei, zan khuamial mite ihi kei hi.

Efesa 5:8

Note pen khuamial sungah a omngei hinapi-in, Topa’ mi na suahkhit uh ciangin khuavak sungah a om hita na hih uh manin khuavak sungah a om mite bangin na gamta un.

Luka 16:10

“A tawmno-ah a diktatte pen a tamah zong diktat uh a, a tawmno-ah a citak lote pen a tamah zong citak lo uh hi.

Johan 12:36

Khuavak mite na suahtheih nadingun khuavak na neih hun sungun tua khuavak um un,” a ci hi. Jesuh in hih thuteng a genkhit ciangin paikhia-in amaute kiang panin a bu hi.

1 JOHAN MASA 3:10

Hih pen Pasian tate le Dawimangpa’ tate a kilamdanna ahi hi. A manin gamta loin, a Khristian mipihte a it lo mi peuhmah, Pasian’ tate hi lo uh hi.

Luka 16:4

Tu’n ka gamtat nading ka theita hi. Tua ka ngaihsut bangin gamta leng, ka nasepna panin ka tawp ciangin lawm nei-in, amaute in a inn-ah kei hong tungsak ding uh hi,’ ci hi.

Paikhiatna 1:10

Amaute hong tam kha ding uh ahih manin ngaihsut siamna tawh amaute hih ni. Eite tungah gal hong om leh amaute in i galte pawlin eite hong do-in hih gam panin taikhia kha ding uh hi,” a ci hi.

Piancilna 3:1

Tu-in gulpi pen, Topa Pasian’ bawlsa gamlak ganhing dangte khempeuh sangin ngiansiam zaw hi. Amah in numei kiangah, “Pasian in, ‘Huan sung singgah khat peuhpeuh ne lo ding,’ hong ci ahi hiam?” ci hi.

Luka 20:34

Tua ciangin Jesuh in, “Tu huna hih leitung mite in numei le pasal kitenna nei uh hi.

2 SAMUEL NIHNA 13:3

Ahih hangin Ammon in David’ sanggampa Shimeah’ tapa Jonadab min nei lawmpa khat nei a, Jonadab pen mi tei mahmah khat ahi hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute-ah kisial zawsopin, leitung nate bek ngaihsutin nei uh ahih manin Hell khuksung a tung ding uh ahi hi.

1 KORIN MASA 3:18

Note khatpeuh hih leitung ngeina-ah a pilin na kingaihsut uhleh a pil taktak na hih theih nadingun a hai na suak phot un.

Luka 18:6

Tua ciangin Topa in, “Hih mihoih lo thukhen pa’ kampauna ngaihsun un.

Mattiu 17:26

Peter in, “Midangte tung panin siah a kai uh hi,” ci-in a dawng hi. Tua ciangin Jesuh in, “Tua ahihleh siah piak ding panin a tate a peng ahi hi.

2 KUMPI NIHNATE 10:19

Tua ahih ciangin tu-in Baal kamsangte khempeuh, le a siampite khempeuh kei kiangah hong sam un. Baal tungah biakpiakna lianpi nei ding ka hih manin kuamah pelemsak kei un. A pelem peuhmah nungta lo ding hi,” a ci hi. Ahih hangin Baal a biate a suksiat theih nadingin Jehu in ngian tawh a hih ahi hi.

Mattiu 12:32

Mihing Tapa langpangin a gensiate a mawhna uh kimaisak thei ding a, ahi zongin Kha Siangtho langpangin a gensiate pen tuhun a kipan a tawntungin a mawhna uh kimaisak lo ding hi.

Luka 16:7

Tua ciangin adang khat pa kiangah, ‘Nang bangzah ba na hi hiam?’ ci-in a dot ciangin, ‘Mangbuh seu zakhat ba ing,’ ci hi. Tua ciangin amah in, ‘Na leibatna lai va la in,’ ci hi; tua ciangin, ‘Na leiba om lai seu sawmgiat hi. Seu sawmgiat, ci-in ciamteh in,’ ci hi.

Luka 20:35

Ahi zongin sihna panin thokikin a hong tung ding hunah a nungta dingin a kilawm mite in kitenna cihte nei lo uh hi.

Paunak 12:8

Mipilte kiphatin kipahtawi a, mihaite kineu-et hi.