Luka 16:3 - Tedim Bible

³ Tua ciangin a nasempa in lungngai a, ‘Ka topa in ka nasepna panin hong tawpsak ding ahih manin bangci gamtat ding ka hi hiam? Thatang nasep lah ka ngap kei a, nektawm ding mi kiangah nget ding lah ka maizum hi.

Tedim Bible Revision 2017

³ Tua ciangin a nasem pa in lungngai a, ‘Ka topa in ka nasepna panin hong tawpsak ding ahih manin bangci gamtat ding ka hi hiam? Thatang nasep lah ka ngap kei a, nektawm ding mi kiangah nget ding lah ka maizum hi.

Luka 16:3 Referans Kwoze

2 THESALONIKA NIHNA 3:11

Hih bangin thu ka hong genna uh pen note lakah mi pawlkhatte thadahin na sem nuam lo uh a, midangte’ nasepna va nawngkaisak zawsop hi, ci-in ka zakna hang uh ahi hi.

Sawltak 3:2

Kongpi Hoih a kici gei-ah a suahtung a kipan a khebai mi khat na om hi. Biakinn-ah a pai mite tung panin sum a ngen dingin nisimin hih kongpi gei-ah amah hong kikoih zel hi.

Johan 9:8

Tua hun ma-in amah ngettawm suangin a om a mu a vengte le amah a mu ngei mite in khua a muhtheihna a muh uh ciangin, “Ngettawm suangin a tutu mipa hi lo ahi hiam?” a ci uh hi.

Luka 18:4

Tawlkhat sung thudon loin om a, ahi zongin a nung ciangin, ‘Pasian zahtak loin, mite zong ka donnop kholloh hangin,

Luka 16:22

Tua ciangin mizawng pa hong si a, vantung a Abraham kiangah a om dingin vantung mite in a paipih uh hi. Mihau pa zong hong si leuleu-in a kivui hi.

Luka 16:20

Tua ciangin a pumtangin meima a vei, Lazaras a kici mizawng khat zong, mihau pa’ kongbiangah hong kikoih a,

Luka 12:17

Tua ciangin amah in a lungsim sungah, ‘Ka an khempeuh ka koih nading mun kicing lo ahih manin bangcih ding ka hi hiam?

Marka 10:46

Tua ciangin Jerikho khua a tung uh hi. Tua khua panin a nungzuite le mihonpite tawh a paikhiat laitakun, Timias’ tapa a mittaw khutdawhin a ngen Bartimias, lampi gei-ah na tu hi.

Hosea 9:5

A kiseh pawi hunte le Topa’ pawi hun hong tun ciangin bangcih ding na hi uh hiam?

Jeremiah 5:31

Kamsangte in thuman gen lo uh a, siampite in zong amau’ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Isaiah 10:3

Gimpiak ni hun, gamlapi panin huihpi hong nun’ ciangin note in bangcih ding na hi uh hiam? Huhna ngenin kua kiangah tai ding a, na neihsa uh koi lai-ah koih ding na hi uh hiam?

Paunak 29:21

Sila khat a neu tung a kipan limtakin na khoi hangin a tawpna-ah nang hong hehsak veve ding hi.

Paunak 20:4

Lo khawh hunin a kho nuam lo thadahpa in tuk anlak hun ciangin bangmah nei lo ding hi.

Paunak 19:15

A thadahte lumlum a, a mawk omte a gil kial hi.

Paunak 18:9

Na a susia mite a hoih loh zah mahin a thadahte zong mihoih lo ahi hi.

Paunak 15:19

Mi thadahte in mun khempeuhah haksatna tuak a, mi thumante in haksatna tuak kha lo hi.

Paunak 13:4

Thadah mi in a deih ngahzo lo a, nasep hahkat mi in a deih khempeuh ngahzo hi.

Esther 6:6

Tua ahih ciangin Haman hong tum a, kumpipa in ama kiangah, “Kumpipa in a pahtawi nop mipa tungah bang kihih leh hoih na sa hiam?” a ci hi. Tua ciangin Haman in a lungsim sungah ngaihsun a, “Kumpipa in kei sangin a pahtawi nopzawk ding kua om zenzen ahi hiam?” ci-in ngaihsun hi.

Sawltak 9:6

Ahi zongin tho-in khuapi sungah lut in; tua lai panin na gamtatna dingteng hong kigen ding hi,” a ci hi.

Mattiu 20:8

“Nitak ciangin lo nei pa in a nuai-a nasem ukpa kiangah, ‘Lo khote sam inla, a kicial nunung pen a kipanin a kicial masa pente dongin a ni tha uh pia in,’ a ci hi.

Luka 16:2

A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Luka 16:4

Tu’n ka gamtat nading ka theita hi. Tua ka ngaihsut bangin gamta leng, ka nasepna panin ka tawp ciangin lawm nei-in, amaute in a inn-ah kei hong tungsak ding uh hi,’ ci hi.