Luka 16:29 - Tedim Bible

²⁹ Ahi zongin Abraham in, ‘Na sanggamte a hilh dingin Moses le kamsangte om uh ahih manin tuate’ thugen na ngai ta uh hen,’ a ci hi.

Tedim Bible Revision 2017

²⁹ Ahi zongin Abraham in, ‘Na sanggamte a hilh dingin Moses le kamsangte om uh ahih manin tuateʼ thugen na ngai ta uh hen,’ a ci hi.

Luka 16:29 Referans Kwoze

Sawltak 15:21

Bang hang hiam cih leh Sabbath nisimin kikhopna innte-ah Moses Thukhamte kisim ngitnget a, khua khempeuhah Moses thugente mah hilh belin kinei hi,” a ci hi.

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.

Luka 16:16

“Tuiphumpa Johan’ hun ciang dong Moses Thukham le kamsangte’ thugente pen zuih belin kinei a, ahi zongin Pasian’ Ukna hangin Lungdamna Thu a kihilh hun a kipanin hih thu-ah mi khempeuh hong kituhteh uh hi.

Isaiah 34:16

Topa’ laibu sung panin zong unla hih thu sim un. Hih ganhingte khempeuh khat beek zong mangthang lo ding a, lawm sam khat zong om lo ding hi. Bang hang hiam cih leh Topa in thu pia khinzo a, amahmah in amaute kaikhawm ding hi.

Isaiah 8:20

Tua ciangin note in, “Topa in note hong hilh thute ngai un. Aisante’ thu ngai kei un. Amaute’ hong gen thute a kimanna om lo hi,” ci-in dawng un.

Luka 4:17

a nget bangin a sim dingin kamsang Isaiah Lai Siangtho bu a kipia hi. A laibu lemin a simnopna mun a zon ciangin a nuai-a bangin a kigelhna mun mu-in a sim hi. Tua munah,

Jeremiah 6:16

Topa in mite tungah, “Lam kabomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Galati 4:21

Thukham nuai-ah a omnuam mite aw, Thukham in a gen thu a tel taktak mah na hi uh hiam?