Luka 16:20 - Tedim Bible

²⁰ Tua ciangin a pumtangin meima a vei, Lazaras a kici mizawng khat zong, mihau pa’ kongbiangah hong kikoih a,

Tedim Bible Revision 2017

²⁰ Tua ciangin a pumtangin meima a vei, Lazaras a kici mizawng khat zong, mihau paʼ kongbiang ah hong kikoih a,

Luka 16:20 Referans Kwoze

Sawltak 3:2

Kongpi Hoih a kici gei-ah a suahtung a kipan a khebai mi khat na om hi. Biakinn-ah a pai mite tung panin sum a ngen dingin nisimin hih kongpi gei-ah amah hong kikoih zel hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

Jeim 1:9

Miniamte in liatna a ngah ciangin lungdam uh hen.

Luka 16:21

mihau pa’ sabuai tung panin a kia annengte nenuamin a ngak hi. Tua bangin a om laitakin uite hong pai-in a meima hong liahliah sak uh hi.

JOB (Job) 2:7

Tua ahih ciangin Topa’ omna panin Satan paikhia a, Job a khetul pan a luzang dongin a kihhuai meima a veisak hi.

1 SAMUEL MASA 2:8

Amah in leivui panin mizawngte phongto a, amah in a cimawhte a lungkhamna panun a phongto hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa a’ hi a, tuate tungah amah in leitung pumpi a koih hi.

Jeremiah 8:22

Gilead-ah zatui om lo ahi hiam? Zato siam om lo ahi hiam? Bang hangin ka mite dam thei lo ahi uh hiam?

Isaiah 1:6

Khenuai a kipan luzang dong nangawnin a cidamna mun om lo a, sanim gawpnate, meimapite, le siluang liammate a om hi. Tuate pen a nai kisal lo, kitun lo, sathau tawh zong kinomsak lo hi.

Late 73:14

Bang hang hiam cih leh sunthapai-in gimna ka thuak a, zingsang simin hong kithuhilh hi.

Late 34:19

Thuman mi’ thuakna a tam mahmah hangin tuate khempeuh panin Topa in amah a hon hi.

Johan 11:1

Tua laitakin Mary le a unu Martha’ omna Bethany khua-ah Lazaras a kici mi khat a ci na hi.

Mattiu 26:71

Tua ciangin Peter zong inntual pualamah a paikhiat leh numei dang khat mah in mu ahih manin a gei-a omte kiangah, “Nazareth khuami Jesuh tawh hih mipa kikhawl hi,” a ci hi.

Luka 16:19

“Khatvei, mihau mahmah khat om a, nisimin puan manpha nono silhin, anlim nono ne-in a om hi.