Luka 16:2 - Tedim Bible

² A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Tedim Bible Revision 2017

² A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Luka 16:2 Referans Kwoze

Mangmuhna 20:12

A lian a neu misite tua tokhom mai-ah dingin laibute a kilem ka mu hi. Tua ciangin a nungta mite a kigelhna laibu a dang khat zong a kilem ka mu hi. Amaute’ gamtatna tua laibute sungah a kigelhna tawh kizui-in misite tungah thu a kikhen hi.

1 PETER MASA 4:10

Pasian’ piak na a zatsiamte bangin Pasian’ kiang panin na ngah uh nate, midangte’ phattuam nadingin na zang un.

1 PETER MASA 4:5

Ahi zongin amaute in a site le a hingte’ thu a khen dingin a om Pasian’ mai-ah thudotna thuak ding uh hi.

1 TIMOTI MASA 5:24

Mi pawlkhatte’ khialhnate kimu pahpahin mawhsakna thuakpah uh a, pawlkhatte’ khialhna pen damdamin hong kinung theih hi.

Thuhilh-sia 12:14

A pha hitaleh a sia hitaleh a simthamin i hih simte nangawn i hihna khempeuhah Pasian in thu hong khen ding hi.

1 TIMOTI MASA 4:14

Kamsangte’ thugennate le upate in na tungah a khut uh nga-in thu hong ngetsakna ahi nangma hihtheih siamnate na valkhongsak kei in.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

1 KORIN MASA 4:2

Nasem i cih mite pen a topa uh tungah citakin a thuman ding uh kisam hi.

1 KORIN MASA 1:11

Bang hang hiam cih leh sanggamte aw, note lakah kitot kiselna a omna thu, Khloe’ innkuanpih mite in kei kiangah hong gen uh hi.

ROM (Romans) 14:12

Tua ahih manin a kuamah peuh in i gamtatna ciat Pasian’ mai-ah a va kigentel ciat ding ihi hi.

Luka 12:42

Topa in, “A pil a citak nasempa i cih a bangcite ahi hiam? A naseppih dangte ukin a hun manmanin amaute’ nekzah ding ciat a pia dingin a topa in a seh nasempa ahi hi.

Luka 12:20

Ahi zongin Pasian in ama kiangah, ‘Mihai pa aw, tuzan mahmahin na si ding hi. Hih na neihsa teng kua’n zang nawn ding ahi hiam?’ ci hi,” a ci hi.

Mattiu 12:36

Note kiangah kong genin-ah: Thukhen ni ciangin mi khempeuh in phattuamna a om lo a kampaunate uh khempeuh bangin thusitna a thuak ding uh hi.

Mattiu 20:8

“Nitak ciangin lo nei pa in a nuai-a nasem ukpa kiangah, ‘Lo khote sam inla, a kicial nunung pen a kipanin a kicial masa pente dongin a ni tha uh pia in,’ a ci hi.

Luka 16:1

Tua ciangin Jesuh in a nungzuite kiangah, “Sum hau pa khat om a, a neihsateng a uk dingin ama khutnuai-ah mi khat a koih hi. Tua a neihsateng a uk dingin a koih mipa in a topa’ sumteng phengzat gawp hi, ci-in kikhia hi.

Luka 16:3

Tua ciangin a nasempa in lungngai a, ‘Ka topa in ka nasepna panin hong tawpsak ding ahih manin bangci gamtat ding ka hi hiam? Thatang nasep lah ka ngap kei a, nektawm ding mi kiangah nget ding lah ka maizum hi.