Luka 16:19 - Tedim Bible

¹⁹ “Khatvei, mihau mahmah khat om a, nisimin puan manpha nono silhin, anlim nono ne-in a om hi.

Tedim Bible Revision 2017

¹⁹ “Khat vei, mihau mahmah khat om a, nisimin puan manpha nono silhin, an lim nono ne-in a om hi.

Luka 16:19 Referans Kwoze

Ezekiel 16:49

Na sanggamnu’ mawhna pen: Amah le a tanute in nek ding tampi nei-in nuamsa mahmahin, daitakin om uh ahih manin amaute kiphasak uh a, a zawng a cimawhte don lo uh hi.

Ezekiel 27:7

Egypt gam saihadial puan a kizemte tawh na puankhai kibawl a, gamlapi pek panin zong kithei thei hi. Saipras tuikulh panin a kingah puan hoihpente, kumpi mel puante tawh na tungkhuh kibawl hi.

Mangmuhna 18:16

“Hih a lian khuapi in a thuakna, bangzah takin lauhuai, bangzah takin nasia! Puan hoihnono, a dupsan le a sante silhin, kham, suangmanpha, le kepte tawh a kizem ngei khuapi!

Mangmuhna 18:7

Amah kisialin a kiphatsakna zah tawh a kizui-in dahna le lungkhamna thuaksak un. Amah in, ‘Kei kumpinu ka hi a, meigong numei lah ka hi kei a, dahna ka thuak ngei kei ding hi,’ ci ahih manin,

Mangmuhna 17:4

Tua numei in puan a dupsan le a ausan silh a, kham, suangmanpha, le kep kibawl kizepna a tuamtuamte tawh a pumpi dimin kizem a, a paktatna hangin a kihhuai a nin mahmah nate a dimin a omna kham hai khat a tawi hi.

Luka 16:1

Tua ciangin Jesuh in a nungzuite kiangah, “Sum hau pa khat om a, a neihsateng a uk dingin ama khutnuai-ah mi khat a koih hi. Tua a neihsateng a uk dingin a koih mipa in a topa’ sumteng phengzat gawp hi, ci-in kikhia hi.

Marka 15:17

Jesuh, puansan silhsak uh a, ling lukhu bawlin a lu tungah a khusak uh hi.

Ezekiel 16:13

Tua bangin kham le ngun kibawl kizepnate tawh na kizem a, saihadial puan, nai puan, le a kiphan a kizem puante bek na silh tawntung hi. Annel hoihpen pawl a kibawl anlum ne-in, nek ding khuaizu le oliv thaute na kitasam ngei kei hi. Na hoihna a kigen thei lo zahin hong om a, kumpinu na suak hi.

Esther 8:15

Tua ciangin kumpi puan a san le a kang silhin, kham tawh kibawl kumpi lukhu lianpi khu-in, saihadial puanneel le puansan silhsa-in kumpipa’ omna panin Mordekai paikhia hi. Tua ciangin Susa khuapi sung mi khempeuh lungdamin awng uh hi.

Thukhente 8:26

Ama nget kham bilbahte a gihna pen kham shekel tulkhat le zasagih ahi hi. Midian kumpite in a zat khade lim tawh a kibang kizepnate, khainiangte, puan dupsante le a kalaohte uh ngawng kimkotah a om ngawng-awhte a kisim lo ahi hi.

Luka 15:13

Ni tawmkhat khit ciangin a nauzawpa in ama neihsateng zuakin a sum tawh inn panin a gamlapi-ah paikhia a, a sumte a phengzat gawp hi.

Marka 15:20

Tua bangin a simmawhbawl khit uh ciangin a puansan suahkhiatsak uh a, ama puan ngeite a silhsakkik uh hi. Tua ciangin singlamteh tungah thah dingin a paikhiatpih uh hi.

Paunak 31:22

Amah in a puan ding khuitawm a, saihadial puansan vive a silhzo hi.

Luka 16:18

“Pasal khat in a zi ma-in numei dang a tenpih leh tua numei tawh a mawh hi a, a kima numei a tenpih pasal zong numei tawh a mawh mah ahi hi.

Luka 16:20

Tua ciangin a pumtangin meima a vei, Lazaras a kici mizawng khat zong, mihau pa’ kongbiangah hong kikoih a,

Paunak 14:24

Pilna pen mipilte’ minthanna lukhu hi a, haina pen mihaite’ kizepna bulpi ahi hi.

Isaiah 3:23

puanza neu vang siseihte, saihadial puansungsilhte, dialkhipte, le kikhuhna puante lakhia ding hi.