Luka 16:14 - Tedim Bible

¹⁴ Sum a deih phadiak Farisi mite in hih thute a zak uh ciangin Jesuh a nuihsan uh hi.

Tedim Bible Revision 2017

¹⁴ Sum a deih phadiak Farisi mite in hih thute a zak uh ciangin Jesu a nuihsan uh hi.

Luka 16:14 Referans Kwoze

Luka 23:35

Jew mi upate in Jesuh zahko-in, “Amah in midangte honkhia hi. Pasian teelsa Khrih ahih takpi leh amah le amah kihonkhia ta hen,” ci-in a simmawhbawl laitakun tua lai-a ding mite in a enen uh hi.

Luka 20:47

Meigong numeite tungah nuamtaksa-in, khemin a neihsateng uh laksak uh a, mite in mihoih a sak nading uh a deihna-un thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Luka 12:15

Tua ciangin Jesuh in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzahta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Isaiah 56:11

Uite in nakpitakin duh uh a, kham hun cih nei ngei lo uh hi. Tuucingte in zong thutheihna nei lo uh hi. Amaute khempeuh amau tum ciatin gamta uh a, a vekpi-un amau’ phattuamna ding bek a zong ciat uh hi.

Hebru 11:36

Mi pawlkhat in simmawhna, satna, sikkol bulhna le thongkiatna zong a thuak uh hi.

2 TIMOTI NIHNA 3:2

Tuahun ciangin mite in amau angsung ding bek ngaihsunin, huaihamin, kisialin, kihisakin, mi zahko-in, nu le pate’ thu mang loin, lungdam theihna mel nei loin, biakna lungsim nei loin,

Luka 8:53

Amah a sihkhitna thei uh ahih manin Jesuh a nuihsan lel uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uhah amau’ meetna ding bek ngaihsun uh hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Late 119:51

Mi kiphasakte in kei hong zahko gawp uh a, ahih hangin nangma thupiakna panin kei ka pial kei hi.

Mattiu 9:24

“Na vekpi-un paikhia un. Hih numeino a si hi lo a, a ihmu bek ahi hi,” a ci hi. Ahi zongin amaute in Jesuh zahpihin a nuihsan uh hi.