Luka 16:13 - Tedim Bible

¹³ “To nih’ na a semkhawmzo nasem kuamah om lo hi. A to khat mudahin khat it ding a, khat beelin khat a simmawh ding hi. Pasian’ na le leitung sum na na semkhawmzo kei ding uh hi,” a ci hi.

Tedim Bible Revision 2017

¹³ “To nihʼ na a sem khawm zo nasem kuamah om lo hi. A to khat mudahin khat it dinga, khat beelin khat a simmawh ding hi. Pasianʼ na le leitung sum na nasem khawm zo kei ding uh hi,” a ci hi.

Luka 16:13 Referans Kwoze

Mattiu 6:24

“Kuamah, to nih’ sila hikhawm thei lo hi. Khat mudahin khat it ding a, khat tungah thumanin khat simmawhbawl ding hi. Note in Pasian’ na le leitung sum na na semkhawm zo kei ding uh hi.

Luka 14:26

“Kei kiangah a hong pai mite peuhmah in a nu le a pa, a zi le a ta, a sanggam numeite le a sanggam pasalte, le ama pumpi mahmah a nial ngam kei leh keima nungzui suak thei lo ding hi.

Jeim 4:4

A citak lo mite aw, leitung tawh kipawlna pen Pasian tawh kigalneihna ahih lamtak thei lo na hi uh hiam? Leitung tawh a kipawl mite pen Pasian tawh a kigalneih dingin a kibawlbawl ahi uh hi.

Joshua 24:15

Topa’ na na sepnop kei uhleh, Gun galkhat a a na na sepsak uh na pu na pate uh pasian ahi a, note’ tenna gam Amor mite’ pasian ahi zongin, a na na sepsak ding peuhpeuh uh tuni-in teel un. Ahih hangin kei le ka innkuanpihte in ahihleh Topa’ na ka sem ding uh hi,” a ci hi.

Luka 11:23

Kei hong pawlpih lo peuhmah keima lang hi uh a, tuute hong kaihkhoppih lo peuhmah tuute a thehthang gawpte ahi uh hi,” a ci hi.

Luka 16:9

“Note kiangah kong genin-ah, hih na leitung sum uh a bei ciangin tawntung nuntakna inn-ah hong kilutsak theih nadingin lawm zonna-in hih leitung sumte na zang un.

Mattiu 4:10

Jesuh in, “Satan aw, taikhia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Luka 9:50

Ahi zongin Jesuh in ama kiangah, “No hong langpang lote note’ pawl ahih manin kham kei un,” a ci hi.

Luka 16:12

Midangte’ neihsa tungah na cihtak kei uhleh, kua in no tungah nomau gamhluah ding hong ap ngam ding ahi hiam?