Luka 15:8 - Tedim Bible

⁸ Tua ciangin Jesuh in tua ahih kei leh zong, “Numei khat in sum peek sawm a neih sung panin khat mansuah leh bangcih ding ahi hiam? Meivak vakin, a innsung teng phiatin, a muh matengin mun khempeuh limtakin zong ding hi.

Tedim Bible Revision 2017

⁸ Tua ciangin Jesu in tua ahih kei leh zong, “Numei khat in sum peek sawm a neih sung panin khat mansuah leh bang cih ding ahi hiam? Meivak vakin, a inn sungteng phiatin, a muh matengin mun khempeuh limtakin zong ding hi.

Luka 15:8 Referans Kwoze

Ezekiel 34:12

Tuucingte in a kithehthang tuute kaikhawmin a kep bangin keimah in donin ka kem ding hi. Tua bang a lauhuai siatna ding hun laitakin a kithehthangna uh mun khempeuh panin ka kaikhawm ding hi.

Luka 19:10

Bang hang hiam cih leh a mangthangte a zong ding le a honkhia dingin Mihing Tapa a hong pai ahi hi,” a ci hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum ding a, amaute in keima thu ngai-in, keima khut sungah ka tuu omsate tawh honkhat suakkhawm ding uh hi.

Johan 11:52

Jew mite a’ ding bek hi loin a kithehthang Pasian’ mi khempeuh pumkhat a suah nadingin a kikaihkhop nading thu zong a genkhol ahi hi.

Efesa 2:17

Tua hi a, Khrih in Pasian tawh a kigamla no Gentail mite tung le Pasian tawh a kinai Jew mite tungah kilem nading Lungdamna Thuhoih a hong hilh hi.

Mattiu 5:15

Mei a vak khit ciangin kuamah in lawh khuhlo hi. Meivakna mun sangah koihzaw a, innsung khempeuh a taangsak hi.

Luka 15:7

Tua mah bangin kisikkik ding a kisam lo mihoih sawmkua le kuate tungah lungdamna sangin mawhnei mi khat a kisikna hangin vantungah lungdamna lianzaw ding hi,” a ci hi.

Luka 15:9

A muh ciangin a lawmte le a vengte samin amaute kiangah, ‘Ka sum mansuahsa mukik ka hih manin ka nuam mahmah hi. Lungdamna pawi bawl ni,’ ci ding hi.

Sawltak 19:19

Ai a san ngei mi tampi tak in zong a aisanna laibute uh hong paipih uh a, mi khempeuh’ muhin a haltum uh hi. Tua laibu mante a gawm uh ciangin ngun peek then nga man bang ahi hi.