Luka 15:29 - Tedim Bible

²⁹ A tapa uzaw in, ‘Tu a beisa hunsung khempeuh, nasemte khat bangin nangma a dingin na ka sem a, na thu zong kong nial ngei het kei hi. Tua hinapi, kei bang hong pia ngei na hi hiam? Ka lawmte tawh pawi ka bawl nadingin keel khat nangawn nong pia kei hi.

Tedim Bible Revision 2017

²⁹ A tapa u zaw in, ‘Tu a beisa hunsung khempeuh, nasemte khat bangin nangma adingin na ka sem a, na thu zong kong nial ngei het kei hi. Tua hi napi, kei bang hong pia ngei na hi hiam? Ka lawmte tawh pawi ka bawl nadingin keel khat nangawn nong pia kei hi.

Luka 15:29 Referans Kwoze

Mangmuhna 3:17

Note a zawng, a mittaw, puansilh ding a nei lo, a hehpihhuai, a lungkhamhuai na hih lamtak uh thei loin, kote hau-in ka cithei uh a, bangmah kisapna ka nei kei uh hi, na ci uh hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi.

ROM (Romans) 10:3

Amaute in Pasian tawh kipawl theih nading lampi man thei loin amau theihtawmna tawh hanciam kha uh ahih manin amah tawh kipawl theih nadingin lampi a khun’ zui kha lo uh hi.

ROM (Romans) 7:9

Thukham ka theih ma-in mi nungta ka hi ngei a, thukham ka theih ciangin mawhnopna lungsim hong khangin kei ka si hi.

Luka 19:21

Nang pen mi sit hak khat na hih manin kong kihta hi. Sum lam lopi-in sum deih pa na hi a, lokho lopi-in an la nuampa na hi hi,’ a hong ci hi.

Luka 18:9

Amaute hoih kisa mahmahin, midang khempeuh a simmawhbawl mite tungah Jesuh in zong thugentehna khat gen a,

Luka 17:10

Tua mah bangin note in zong hong kisawlteng na sepkhit uh ciangin, ‘Nasem mawkmawkte mah ihi a, i tavuanteng bek mah a sem khin ihi hi,’ na ci uh hi,” ci-in a dawng hi.

Luka 15:7

Tua mah bangin kisikkik ding a kisam lo mihoih sawmkua le kuate tungah lungdamna sangin mawhnei mi khat a kisikna hangin vantungah lungdamna lianzaw ding hi,” a ci hi.

Mattiu 20:12

‘A nunungte in nai khat sung bek sem napi-in, sunthapai-in nisa thuakin na a sem kote tawh na kikimsak hi,’ a ci uh hi.

Malakhi 3:14

Note in, ‘Pasian’ na i sep a mawkna hi. Ama hong sawl bangin i sep hangin bang a kimanna om a, i gamtatnasate hangin i dahna lim, Vanglian Topa’ mai-ah i lah hangin bang phattuamna om ahi hiam?

Isaiah 65:5

“Note kiang panin kote hong kituamkoih ahih manin kihemkhia unla, ko kiangah hong pai kei un,” ci-in midangte tungah a gen mite - hih bang mite khempeuh a sang dingin a beisa hun sungah ka kiging tawntung hi. Hih bang mite ka thuakzo nawn kei hi. Amaute tungah ka hehna pen a mit ngei lo meikuang tawh kibang hi.

ROM (Romans) 3:27

Tua ahihleh mihingte in i kisialhpih ding bang om ahi hiam? Bangmah om lo hi. Bang bulphuh ding ihi hiam? Thukham zuihna bulphuh ding ihi hiam? Hi lo hi. I upna a bulphuh ding ihi hi.

ROM (Romans) 3:20

Thukham in mihingte a mawhna kilangsak thei bek ahih manin thukham zuihna hangin kuamah in Pasian tawh kipawl theihna ngah zo lo hi.

Luka 15:28

A ta uzaw pen a heh suak mahmah ahih manin inn sungah zong hong tum nuam lo hi. Tua ahih manin a pa va pusuakin, a ta hong sungtumna dingin a zol hi.

Luka 15:30

Ahi zongin hih na tapa in na neihsa khempeuh numei paktatte tungah zangmang khin a, hong ciahkik ciangin bawngtalno limcipen na gawh lai hi,’ a ci hi.