Luka 15:24 - Tedim Bible

²⁴ Bang hang hiam cih leh ka tapa a sisa hong nungta a, ka tapa a mangsa hong tungkik hi,’ a ci hi. Tua ahih manin lungdamna pawi bawl a kipan uh hi.

Tedim Bible Revision 2017

²⁴ Bang hang hiam cih leh ka tapa a si sa hong nungta a, ka tapa a mang sa hong tungkik hi,’ a ci hi. Tua ahih manin lungdamna pawi bawl a kipan uh hi.

Luka 15:24 Referans Kwoze

Efesa 2:5

i mawhna hangin kha thu tawh kisai-in misi ihih laitakin Khrih tawh eite hong nungtasak hi. Pasian’ hehpihna hangin hotkhiatna a ngah thei ihi hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Kolose 2:13

A beisa hunah na mawhna uh hangin kha thu tawh kisai-in misi na hi uh a, Gentail mi na hih manun Thukham nei lote na hi uh hi. Ahi zongin Khrih hangin Pasian in note hong hingsak a, i mawhna khempeuh hong maisak khinta hi.

Luka 19:10

Bang hang hiam cih leh a mangthangte a zong ding le a honkhia dingin Mihing Tapa a hong pai ahi hi,” a ci hi.

Efesa 2:1

A beisa hunah na thuman lohna uh le na mawhna uh hangin kha thu tawh kisai-ah a si na hi uh hi.

Luka 15:4

“Note sung panin khatpeuh in tuu zakhat nei-in, tua sung panin khat mansuah leh bangcih ding ahi hiam? Lopa ne-in a gamta tuu sawmkua le kuate nusia-in, a muh matengin tua a mang tuu khat a zong dingin kuankhia ding hi.

Luka 15:32

Tu-in na naupa a sisa hong hingkik a, a mangsa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

ROM (Romans) 6:11

Tua mah bangin note zong Khrih Jesuh tawh kipawlin mawhna thu-ah si-in, Pasian’ thu-ah a nungta-in na kingaihsut ding uh ahi hi.

ROM (Romans) 8:2

Bang hang hiam cih leh Khrih Jesuh tawh a hong kipawlsak Kha Siangtho in mawhna le sihna a piangsak thukham panin kei hong suaktasak khinta hi.

ROM (Romans) 12:15

A lungdam mite lungdampih unla, a dah mite dahpih un.

Isaiah 35:10

Topa’ hotkhiatsa mite hong ciahkikin, lungdam tawntungna mai pua-in la sa kawmin Jerusalem-ah hong tung ding uh hi. Amaute in lungdamna le kipakna ngah ding uh a, dahna le khuisatna om nawn lo ding hi.

Johan 11:25

Tua ciangin Jesuh in, “Keimah in a sisa mite thosakin a hingsak thei pa ka hi hi. Kei hong um mi peuhmah a sih hangin nungta ding hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khrih in nang hong taan ding hi,” kici hi.

1 KORIN MASA 12:26

Khat in natna ngah leh a vekpi-un thuakkhawm uh a, khat in pahtakna ngah leh a vekpi-un lungdam khawm uh hi.

1 TIMOTI MASA 5:6

Ahi zongin a pumpi uh deihna zui-in a gamta meigong numeite pen a pumpi uh a nuntak hangin kha thu-ah a sikhin ahi uh hi.

ROM (Romans) 11:15

Amaute a kinialna hangin Pasian tawh leitung mi khempeuh kipawl theihna piang ahihleh amaute a kisan’ hun ciangin a sisate nangawn a hinkikna hong hita ding hi.

ROM (Romans) 6:13

Mawhna gamtat nadingin na pumpi nate uh khat beek na zang nawn kei ding uh hi. Note pen misi hinapi-in a kihingkiksak mite bang na hih manun, a hoihin a hong zattheih nadingin na pumpi bup uh Pasian’ tungah na piazaw ding uh hi.

Johan 5:21

Pa in mi sisate nangawn thosakin a nuntaksak mah bangin Tapa in zong a ut peuhpeuh nungtasak thei hi.

Marka 8:22

Tua ciangin Bethsaida khua tung uh hi. Mi pawlkhat in Jesuh kiangah mittaw khat hong paipih uh a, amah a lawn nadingun a thum uh hi.

Ezekiel 34:4

Tuu zawngkhalte na khoi kei uh a, a cinate damsak loin, a liamnate na tuamsak kei uh hi. A lampialte na khiang kei uh a, a mangte na zong kei uh hi. Tua bang bek hi loin, ngong bawlin na ukgawp zawsop uh hi.

Mangmuhna 3:1

“Sardis khua pawlpi vantungmi kiangah lai gelh inla, Pasian Kha Siangtho sagih le aksi sagih a nei pa’ thugen in: Note’ gamtatnate ka thei a, note a si hinapi-in a hing min na pua uh hi.

Juda 1:12

Note’ annek khopna-ah zumna mel nei loin hong omgawp uh ahih manin hong siatsuah uh a, amau’ pumpi bek ngaihsun uh hi. Amaute pen cikmahin guah a zusak ngei lo, huih in a letkhiatmang meiipi, tuk hun laitak nangawnin a gah a gah lo, kizunglotin a keutum singkungte,

Luka 10:19

Tu-in thei un. Gulpi le momaite na sikgawp nading uh le na galte uh na zawh nadingun note tungah vangliatna ka hong piazo a, amaute in note bangmah hong cih zo lo ding uh hi.

Piancilna 45:28

Israel in, “Phazo hi. Ka tapa Josef nungta lai hi. Ka sih ma-in pai-in amah ka mu ding hi,” a ci hi.

Mattiu 8:22

Jesuh in, “Nangmah in kei hong zui inla, misi bang ahi mite in misite a vui dingun nusiat in,” ci-in a dawng hi.

Luka 9:60

Ahi zongin Jesuh in, “Misi bang ahi mite in misite na vui tahen. Nang ahihleh va pai inla Pasian’ Ukna thu va hilh in,” a ci hi.

Luka 15:23

Tua ciangin i bawngno limcipen hong go unla, lungdam pawi bawl ni.

Luka 15:25

“Tua laitakin a tapa uzaw pen lo kuan hi a, vaiciah inn hong tun kuan ciangin lamna le lasakna gingte a za hi.