Luka 15:20 - Tedim Bible

²⁰ Tua ahih manin amah kithawi-in a pa kiangah a ciahkik dingin a pai hi. Ahi zongin inn a tun ma-in a pa in na galmuh a, hehpihhuaisa mahmah ahih manin va delhin, a tapa ngawng kawi-in a nam hi.

Tedim Bible Revision 2017

²⁰ Tua ahih manin amah kithawi-in a pa kiangah a ciahkik dingin a pai hi. Ahi zongin inn a tun ma-in a pa in na gal muh a, hehpihhuai sa mahmah ahih manin va delhin, a tapa ngawng kawi-in a nam hi.

Luka 15:20 Referans Kwoze

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmahin, itna kip le thumanna tawh a kidim na hi hi.

Efesa 2:13

Ahi zongin a gamlapi-ah a om ngei hinapi-in tu-in Khrih Jesuh tawh na kipawlna hangun ama sihna in Pasian kiang hong tunpih hi.

Isaiah 49:15

Ahih hangin Topa in, “Ama sung panin a suak a tapa a hehpih lo ding zahin nupi khat in ama nawi a teep naungek mangngilh thei ding ahi hiam? Hihte nangawn in mangngilhkha thei ding a, ahi zongin keimah in kong mangngilh kei ding hi.

Piancilna 33:4

Ahih hangin amah a dawn dingin Esau hong tai-in, amah ngawng kawi a, pomcipin nam a, amaute a kap uh hi.

Efesa 2:17

Tua hi a, Khrih in Pasian tawh a kigamla no Gentail mite tung le Pasian tawh a kinai Jew mite tungah kilem nading Lungdamna Thuhoih a hong hilh hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Isaiah 57:18

“Amau’ mawh gamtatnate a vekin ka mu khin a, ahih hangin amaute ka damsak ding hi. Amaute makaihin ka hehnem ding a, a dah a kapte hehnemin ka lungdamsak ding hi.

Piancilna 46:29

Tua ciangin Josef in a leengte kithawisakin Goshen-ah a pa Israel a dawn dingin a paito hi. A pa a muh phetin ngawng kawi-in tawlkhat sung a kap hi.

Piancilna 45:14

Tua ciangin a sanggampa Benjamin ngawng kawi-in a kap hi. Benjamin in zong amah ngawng kawi-in a kap hi.

Sawltak 20:37

Amaute a kikhen dingin mangpha a kikhak uh ciangin khatlekhat kilen kikawi-in a kap uh hi.

Sawltak 2:39

Bang hang hiam cih leh Pasian in ama kamciamna pen note tung, na suan na khakte uh tung le gamlapi-a om mi khempeuh, i Topa Pasian in a sap mi khempeuh tungah a hong bawl ahi hi,” ci-in a dawng hi.

Hosea 11:8

Israel mite aw, bangci-a hong nusia thei ding a, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua banga hih ding ka lungsimah om lo hi.

2 SAMUEL NIHNA 14:33

Tua ciangin kumpipa kiangah Joab pai-in ama kiangah tua thu a gen hi. Tua ciangin kumpipa in Absalom sam hi. Tua ahih ciangin amah kumpipa kiangah hong pai a, a mai lei ngatin kumpipa’ mai-ah a kun hi; tua ciangin kumpipa in Absalom a nam hi.

Luka 15:19

Na tapa cih dingin zong kilawm nawn lo ka hih manin na nasemte khat bangin hong bawl lel in,” ka ci ding hi,’ a ci hi.

Luka 15:21

A tapa in, ‘Pa aw, Pasian tung le nangma tungah ka khialkhin hi. Na tapa cih dingin zong ka kilawm nawn kei hi,’ a ci hi.