Luka 14:21 - Tedim Bible

²¹ Tua ahih ciangin a nasempa hong ciahin a topa kiangah hih thute hong zasak hi. Tua ciangin innteek pa a heh suak a, a nasempa kiangah, ‘Khuasung kongzing khempeuhah va pai inla, mizawng, khezaw, mittaw, le khebai mite hong paipih in,’ ci-in a sawl leuleu hi.

Tedim Bible Revision 2017

²¹ Tua ahih ciangin a nasem pa hong ciahin a topa kiangah hih thute hong zasak hi. Tua ciangin innteek pa a heh suak a, a nasem pa kiangah, ‘Khua sung kongzing khempeuh ah va pai inla, mizawng, khe zaw, mittaw le khebai mite hong paipih in,’ ci-in a sawl leuleu hi.

Luka 14:21 Referans Kwoze

Luka 14:13

Tua bangin anvakna pawi na bawl ciangin mizawngte, khezawte, khebaite, le mittawte sam in.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Johan 9:39

Tua ciangin Jesuh in, “Mittawte in khua a muhtheih nading le khua mu thei a kineite mittaw a battheih nadingin leitungah thukhen dingin a hong pai ka hi hi,” a ci hi.

Luka 14:24

Ke’n kong cihin-ah, ka sap masak mite khat beek in ka an ciamkha lo ding uh hi,’ ci hi,” a ci hi.

Isaiah 35:6

Tua ciangin khebai mipa diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah luitui hong luang ding hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

1 SAMUEL MASA 2:8

Amah in leivui panin mizawngte phongto a, amah in a cimawhte a lungkhamna panun a phongto hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa a’ hi a, tuate tungah amah in leitung pumpi a koih hi.

Mangmuhna 22:17

Kha Siangtho le Mothak in Jesuh kiangah, “Hong pai in,” a ci uh hi. Hih thu a za mi khempeuh in zong Jesuh aw, “Hong pai in,” ci ta uh hen. A dangtak mi khempeuh hong pai uh hen la, a deih khempeuh in nuntakna tui a khongin hong la ta uh hen.

Mangmuhna 19:15

Minam dangte a zawhgawp nading namsau hiam khat a kam sung panin a pusuak hi. Amah in sik ciangkhut tawh minam dangte ukin, a Vanglian Pasian’ heh mahmahna tawh leenggah cilna-ah leengtui a sukkhia ding hi.

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amaute’ thu mang le-uhcin a nasepna uhah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note a dingin zong phattuamna a om tuan hi lo hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Mattiu 11:28

“Na semin vangik pua-in a gim mite khempeuh aw, ka kiangah hong pai ta un. Note tungah lungsim tawldamna ka hong pia ding hi.

Isaiah 33:23

Gal teembaw khaute kol a, ama omna ding mun sanah gunkuang puan khuam lenkip zo lo a, gunkuang puan kizal thei lo hi. Tua ciangin galte’ neihsate kihawmkeek ding a, khebaite nangawn in van ngah ding uh hi.

Luka 9:10

Sawltakte a khualzinna panun a hong tunkik uh ciangin a sepna teng uh Jesuh kiangah a gen uh hi. Jesuh in zong amauteng bek a om theih nadingun amaute samkhia a, Bethsaida khua lamah a paipih hi.

Mattiu 18:31

A naseppih dangte in hih thupiang a theih uh ciangin dahhuaisa mahmah uh ahih manin, a thupiang khempeuh kumpipa kiangah a ko uh hi.

Mattiu 15:12

Tua ciangin nungzuite in Jesuh kiangah, “Farisi mite in hih na thugen a zak uh ciangin na a sak mahmahna thu uh na thei hiam?” a ci uh hi.

Zekhariah 11:11

Tua ahih manin tua ni-in thuciamna kiphiat hi. Tuu summeet bawlte in hong en giaugiau uh a, hih banga ka gamtatna panin Topa’ thugen ahihlam a phawk uh hi.

Zekhariah 11:7

Tuu summeet bawlte in kei hong cial uh a, a kigo ding tuute a cing pa ka suak hi. Kei zong ciangkhut nih la-in khat pen “Hehpihna” ci-in min ka phuak a, a khat pen “Kipawlna” ci-in min ka phuak hi. Tua hi a, tuute a cingin kei ka om hi.

Jeremiah 5:1

Jerusalem khua sungah kileh kawikawi un. Khuadak unla en dih un! A thuman gamtat leh thuman a zong mi khat beek na mu uh hiam, zong dih un. Na muh uhleh tua khua’ mawhna ka maisak ding hi.

1 SAMUEL MASA 25:12

Tua ahih ciangin David’ tangvalte ciahkikin hih thu khempeuh ama kiangah a gen uh hi.

Late 38:7

Bang hang hiam cih leh ka ci sa mahmah a, nakpitakin ka ci na hi.

Luka 14:20

Adang khat leuleu in, ‘Ka zi ding a kila khin phet ahih manin kong pai thei kei ding hi,’ na ci hi.

Luka 14:22

Tua khit a sawt loin a nasempa in, ‘Topa aw, na cih bangin ka sam khin a, ahi zongin om nading mun omlai hi,’ a ci hi.

Mattiu 20:7

amaute in, ‘Kuamah in nasem dingin hong cial lo hi,’ ci-in a dawng uh hi. Tua ciangin amaute kiangah, ‘No zong leenggah lo-ah va kuan un,’ a ci hi.