Luka 14:15 - Tedim Bible

¹⁵ An ne-a a tutpih mite khat in hih thu a zak ciangin Jesuh kiangah, “Pasian’ Ukna sungah an ne-a a tu mite bangzahin mi hampha ahi uh hiam?” a ci hi.

Tedim Bible Revision 2017

¹⁵ An ne-a a tut pih mite khat in hih thu a zak ciangin Jesu kiangah, “Pasianʼ Ukna sungah an ne-a a tu mite bangzahin mi hampha ahi uh hiam?” a ci hi.

Luka 14:15 Referans Kwoze

Mangmuhna 19:9

Tua ciangin vantungmi in keima kiangah, “Hih thu gelh in: Tuuno’ zineihna pawi-ah a kisam mite a hampha mahmah ahi hi,” hong cihkhit ciangin, “Hihte pen Pasian’ gen taktak kammal ahi hi,” hong cithuah lai hi.

Luka 22:30

Keima Ukna sungah anne tuidawnin sabuai kiimah na tu ding uh a, Israel minam sawm le nihte tungah thu a khen dingin thukhenna tokhom tungah na tu ding uh hi,” a ci hi.

Luka 13:29

Nisuahna le nitumna, leilu le leitaw lam panin mite hong pai-in Pasian’ Ukna sung sabuai kiimah tukhawm ding uh hi.

Mattiu 25:10

Meitui lei dingin amaute a paikhiat kal sungin zineipa hong tung hi. A kigingsa-in a om nungakte in zineipa dawnin mopawi bawlna sungah a lutkhawm pah uh hi. Tua khit ciangin kong kikhak hi.

Luka 12:37

A topa hong ciah ciangin a kigingsa-in amah ngakin a om uh a muh nasemte pen mi hampha mahmah ahi uh hi. Note kiangah kong genin-ah, a topa zong hong kithawi-in a nasemte an vak dingin tusak ding a, amahmah in a nasemte an thukin na a sem ding hi.

Mattiu 8:11

Nisuahna le nitumna panin mi tampi tak hong pai-in vantung ki-ukna sungah Abraham, Isaac, le Jakob-te tawh an ne-in sabuai-ah tukhawm ding uh hi.

Luka 22:16

A mantakin kong genin-ah, Pasian’ Ukna sungah a cingtaak Paisan Pawi hun hong tun mateng, Paisan Pawi an ka ne ngei nawn kei ding hi,” a ci hi.