Luka 14:13 - Tedim Bible

¹³ Tua bangin anvakna pawi na bawl ciangin mizawngte, khezawte, khebaite, le mittawte sam in.

Tedim Bible Revision 2017

¹³ Tua bangin anvakna pawi na bawl ciangin mizawngte, khezawte, khebaite le mittawte sam in.

Luka 14:13 Referans Kwoze

Luka 14:21

Tua ahih ciangin a nasempa hong ciahin a topa kiangah hih thute hong zasak hi. Tua ciangin innteek pa a heh suak a, a nasempa kiangah, ‘Khuasung kongzing khempeuhah va pai inla, mizawng, khezaw, mittaw, le khebai mite hong paipih in,’ ci-in a sawl leuleu hi.

Isaiah 58:10

gilkial mite an pia-in, kisapna a nei mite tungah a kisapnate na piak uhleh na kimkot uha khuamial pen khuavak hong suak ding a, na lungzinna uh nitaang hong bang ding hi.

Paunak 14:31

Mizawngte bawlsiatna pen a piangsak Pasian simmawhna hi a, mizawngte tungah citna pen Pasian zahtakna ahi hi.

Isaiah 58:7

Na an uh a gilkialte tawh nekhawm unla, inn nei lo a zawngte na innsung uhah paipihin, tangguakin a om mite puan silhsakin, na mipihte uh kiang panin bu lo ding hi lo na hi uh hiam?

Hebru 13:2

Khualmite hoihtakin zin na do ding uh na phawk un. Mi pawlkhat in vantung mite zindo ahihlam a phawk lopi-in a do na hi gige uh hi.

Nehemiah 8:10

Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa a dingin tuni pen biakna ni siangtho ni ahi hi; dah kei un, bang hang hiam cih leh Topa’ hong piak lungdamna in note hong thahatsak ding hi,” a ci hi.

Mattiu 22:10

Nasemte zong lamlianpi-ah va pai uh a, mihoih mi hoih lo ci loin a muh khempeuh uh va kaikhawm uh ahih manin mo pawi bawlna innsung dimin leengla hong om hi.

Thu-hilhkikna 16:14

Tua pawi sungah nang a kipan na tanute le na tapate, na nasem numeite le na nasem pasalte, Levi mite, peemtate, pa nei lote, le na khua sunga om meigong numeite tawh na lungdam khawm ding uh hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuahsate, a inn-ah zin le leengla do a siam mite, kiniamkhiatin Pasian’ mite’ khe a silsakte, a lungkham mite a huhte, le thu khempeuhah a hoih gamtat mite hi lai ding uh hi.

Thu-hilhkikna 16:11

Topa na Pasian uh mai, ama min om nadingin Topa na Pasian un a teelna munah, note a kipan na tanute le na tapate, na nasem numeite le na nasem pasalte, na khua sunga om Levi mite, peemtate, pa nei lote, le note lakah a om meigong numeite tawh na lungdam khawm ding uh hi.

Thu-hilhkikna 14:29

Topa na Pasian un na sepnate khempeuh uhah thupha hong piak theih nadingin, note tawh kibangin amaute in tanh ahi a, luah ahi zongin nei lo uh ahih manin note’ khua sunga om Levi mite, peemtate, pa nei lote, leh meigong numeite hong pai-in tua ante ne-in a gilvah ding uh hi.

1 TIMOTI MASA 3:2

Tua ahih manin siate pen paubaanna a nei lo mi, zi khat bek a nei mi, lungsim hoih hithiat mi, thu a ngaihsun thei mi, a kilawm a kituakin a gamta mi, zin le leengla do a siam mi, thuhilh a siam mi,

JOB (Job) 29:13

A lungkham a cimawhte in kei hong phat uh a, meigong numeite a lungnuamin ka omsak hi.

Nehemiah 8:12

Tua ahih ciangin mi khempeuh anne tuidawnin midangte a kholh ding le lungdam a om dingin a ciah uh hi; bang hang hiam cih leh amaute tungah a kigen thute amaute in a theitel uh hi.

2 KHANG TANGTHU NIHNATE 30:24

Bang hang hiam cih leh Judah kumpipa Hezekiah in biakpiak nadingin a kikhawmte tungah bawngtal tulkhat le tuu tulsagih pia a, uliante in a kikhawmte tungah bawngtal tulkhat le tuu tul sawm pia uh hi. Siampite tampi tak amau mah kisiansuah uh hi.

2 SAMUEL NIHNA 6:19

Israel mihon buppi, mi khempeuh, numei le pasalte tungah anlum pheng khat, sa baak khat, le leenggahkeu pheng khat ciat a pia hi. Tua ciangin mi khempeuh a inn ciat uhah a ciah uh hi.

Titu 1:8

zinleleeng do a siam mi, thuhoih a deih mi, a pumpi a ki-ukzo mi, a thutang mi, a siangtho mi, le a kisekzo mi hi ding uh hi.

Filemon 1:7

Sanggam aw, nangma hangin Pasian’ mite in lungnopna ngah uh ahih manin tua bang itna na neihna hangin ka lungdamin ka tha a nuam mahmah hi.

Sawltak 9:39

Peter zong kithawi-in a samte tawh paikhawm pah a, tua khua a tun ciangin inndei tungnungah a na paipihto pah uh hi. Tua lai-ah a na om meigong numei khempeuh in Peter na umcih uh a, Dorkas a hin lai-in amaute a dingin a bawlsak puanakte le puantungsilhte, a kahkawmun Peter kiangah a lak uh hi.

Luka 11:41

Ahi zongin na hai leh na kuang sung uhah a omte pen itna tawh mizawngte tungah pia le-uhcin, note a dingin na khempeuh hong siang ding hi.

Paunak 22:9

A cingh mi in mizawngte an pia a, amah in thupha ngahkik hi.

Mattiu 15:30

Ama kiangah mihon tampi tak hong pai uh a, khebaite, khezawte, mittawte, a pau thei lote, le cina dang tampi, Jesuh kiangah hong koih uh hi. Jesuh in tuate khempeuh a damsak hi.

Luka 14:12

Tua ciangin Jesuh in a innteek pa kiangah, “Sun-an nekna-ah ahi a, nitak-an nekna-ah ahi zongin mi na sap ciangin, na lawmte ahi a, na sanggamte ahi a, na behte ahi a, mihau na vengte ahi zongin sam kei in. Amaute in zong an ne ding mahin nang hong samkik ding uh a, hih bangin hong sapna hangin na anvakna thaman a ngahkik na hi ding hi.

Luka 14:14

Amaute in nang hong thukkik zo lo ding uh ahih manin nang a dingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.