Luka 13:6 - Tedim Bible

⁶ Tua ciangin Jesuh in amaute kiangah thugentehna khat gen a, “Mi khat in a lolai-ah theikung khat a suansak hi. Theigah a lo dingin a pai ciangin bangmah na gah lo hi.

Tedim Bible Revision 2017

⁶ Tua ciangin Jesu in amaute kiangah thu gentehna khat gen a, “Mi khat in a lo lai ah theikung khat a suansak hi. Theigah a lo dingin a pai ciangin bangmah na gah lo hi.

Luka 13:6 Referans Kwoze

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisia kikin bang hangin leenggah gui a hoih lote na suakkik na hi hiam?

Filippi 4:17

Note tung panin na tampi ka ngahnop man hi lo a, note’ hamphatna a kibehlap nading ka deihna hizaw hi.

Jeremiah 8:13

“Topa in kong cihin-ah, amaute ka susia khin ding a, a lote uhah leenggah a om nawn kei ding hi. Thei in zong gah a nei nawn kei ding hi. A tehte nangawn keu ding a, amaute ka piaksa nate a bei ding uh hi.

Luka 3:9

Tu mahmahin sing a bulphuk dingin hei tawh kingimzo hi. Gah hoih a gah lo singkung khempeuh kiphukin meikhuk sungah kikhul ding hi,” a ci hi.

Luka 13:5

Hilo hi. Ke’n kong cihin-ah, na mawhna panun na kisikkik kei uh leh note zong amaute mah bangin na si ding uh hi,” a ci hi.

Thukhente 9:11

Ahih hangin theikung in amaute kiangah, ‘Keimah in ka khumna le ka gah hoihte nusia-in singkungte a uk dingin hong pai ding ka hi hiam?’ ci hi.