Luka 13:35 - Tedim Bible

³⁵ Tu-in na innte kinusiacip ding hi. ‘Topa min tawh a hong pai mipa, Pasian in thupha pia ta hen,’ na cih hun hong tun matengin kei nong mu nawn kei ding hi,” a ci hi.

Tedim Bible Revision 2017

³⁵ Tu-in na innte kinusiacip ding hi. ‘Topa min tawh a hong pai mipa, Pasian in thupha pia tahen,’ na cih hun hong tun matengin kei nong mu nawn kei ding hi,” a ci hi.

Luka 13:35 Referans Kwoze

Late 118:26

Topa’ min tawh hong pai pa in thupha ngah tahen. Topa’ inn panin nang kong phat uh hi.

Johan 12:13

Tua ahih manin amah a dawn dingin Jerusalem panin mihonpi paikhia-in nisuh hiangte tawikawmin, “Pasian phat un! Pasian in Topa’ min tawh hong pai pa thupha pia ta hen! Pasian in Israel Kumpipa thupha pia ta hen!” ci-in a kiko uh hi.

Mattiu 21:9

A mai-a pai mihonte le a nunga zui mihonte awng uh a, “David’ suan Jesuh in phatna ngah ta hen! Topa’ min tawh hong pai pa in thupha ngah ta hen! A sangpena om Pasian in phatna ngah ta hen!” a ci uh hi.

Zekhariah 12:10

“David’ suanlekhakte le Jerusalem khuamite’ tungah hehpihna lungsim le thungetna lungsim ka guan ding hi. Amaute in a sutlup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpitakin kapin thum ding uh hi.

Luka 21:24

Mi pawlkhat, namsau tawh kithat ding a, pawlkhat, galmatin gam dangah kiciahpih ding hi. Tua ciangin Gentail mite’ uk hun a bei matengin Jerusalem khuapi a siacipin om ding hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, a innte kiluh gawpin, a numeite zong kibuan gawp ding hi. Mi alang bang salin kipaikhiatpih ding a, adangte ahihleh kipaikhiatpih lo ding hi.

Micah 3:12

Tua ahih manin note’ hangin lo khawh bangin Zion kikho-in, Jerusalem, nin kipaihna phualpi hong suak ding a, biakinn omna mual, gamlak a suak ding hi.

Isaiah 52:7

Thuhoih hong puak, kilemna thu a genzak, thuhoih thupha a hong puak, hotkhiatna thu a genzak, Zion tungah, “Na Pasian in uk hi,” ci-in mualte kantanin thu hong gen kamtai pa bangzahin hoih ahi hiam?

Late 69:25

Amaute’ phualpi a kilawi mun suak hen la, amau’ bukah mi khat zong tengsak kei in.

Jeremiah 22:5

Ahih hangin note in hih thute na zuih kei uhleh keimah Topa in kong genin-ah, hih inn gamlak a suaksak dingin ka kiciam hi.

Jeremiah 35:17

Tua ahih manin keimah Topa Vanglian Pasian in kong genin-ah: En un, Judah mite le Jerusalem khua-ah a teng mi khempeuh tungah a tung dingin ka gen khiatsa khempeuh ka tungsak ding hi. Bang hang hiam cih leh amau tungah ka gen hangin amaute in ka thu hong ngai lo uh a, amaute ka sap hangin hong dawngkik lo uh hi, ci hi, ci-in va gen in,” a hong ci hi.

Mattiu 23:37

“Jerusalem, Jerusalem aw, kamsangte na that a, Pasian’ sawl kamtaite na denglum hi. Akpi in a kha tawh a note a huai mah bangin na mite ka huainuam tawntung a, ahi zongin na ut kei hi.

Luka 19:41

Jerusalem khua hong nai semsem a, a khuapi a muh ciangin Jesuh in tamlawh a,