Luka 13:31 - Tedim Bible

³¹ Tuahun laitakin Farisi mi pawlkhat hong pai-in Jesuh kiangah, “Herod in nang thah hong sawm ahih manin hih lai panin mun dang khatah paikhia in,” a ci uh hi.

Tedim Bible Revision 2017

³¹ Tua hun laitakin Farisi mi pawl khat hong pai-in Jesu kiangah, “Herod in nang thah hong sawm ahih manin hih lai panin mun dang khat ah paikhia in,” a ci uh hi.

Luka 13:31 Referans Kwoze

Mattiu 14:1

Tua hun laitakin Galilee gam sungteng a uksawn kumpi Herod in Jesuh’ thu a za hi.

Luka 3:1

Gam tampi a uk Sisar Tiberius in a ukzawh a kum sawm le ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Mattiu 14:3

Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupa’ zi na tenpih ding ngeina hi lo hi,” ci-in gen zelzel ahih manin Herod a heh suak a, Johan mansakin, khau khihsakin, thong sungah a khumsak hi.

Mattiu 14:6

Ahi zongin Herod’ suah ni pawi bawl hun hong tun ciangin mihonte mai-ah Herodias’ tanu hong laam ciangin Herod lungdam mahmah ahih manin,

Luka 9:7

Galilee gam sungteng a uk Herod in hih thupiangte a zak ciangin lungmang mahmah hi. Bang hang hiam cih leh mi pawlkhat in, “Johan hong hingkik hi,” ci uh hi.

Luka 23:7

Jesuh pen Herod’ ukna sung mi ahihlam a theih ciangin, tua laitakin Herod mah zong Jerusalem-ah om ahih manin ama kiangah a paisak hi.