Luka 13:25 - Tedim Bible

²⁵ Inn nei pa hong tho-in kong hong khak ciangin, note kong pualamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koilai panin a hong pai na hi uh hiam kong thei kei hi,’ ci-in hong dawng ding hi.

Tedim Bible Revision 2017

²⁵ Inn nei pa hong tho-in kong hong khak ciangin, note kong pua lamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koi lai panin a hong pai na hi uh hiam kong thei kei hi,’ ci-in hong dawng ding hi.

Luka 13:25 Referans Kwoze

Luka 13:27

Ahi zongin amah in, ‘Note koi panin a hong pai cih kong thei kei hi. A giloin a gamta note khempeuh aw, kei kiang panin paikhia un,’ hong ci ding hi.

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite a dingin a kibawl meikuang tawntung sungah pai un.

Isaiah 55:6

A kimuh thei hun lai-in Topa zong unla amah a nai om lai-in thu ngen un.

Hebru 12:17

Bang hang hiam cih leh Esau in a pa kiang panin thupha ngahkik nuamin khitui naptui tawh a nget hangin a gamtatnasa a bawlkik theih nading lampi om nawn lo ahih manin bangmah ngahthei tuan nawn lo hi.

2 KORIN NIHNA 6:2

Bang hang hiam cih leh Pasian in, “A hunhoih a tun ciangin note’ hong ngetna ka hong ngai a, kong hotkhiat ni ding ciangin note ka hong huh hi,” na ci hi. Tua hi a, tuhun pen a hunhoih hi a, tuhun pen hotkhiat ni hun hita hi.

Late 32:6

Tua ahih ciangin nang hong kimuh theih lai-in mihoih khempeuh, nang tungah thu kingensak in. Tua hileh tuikhang in amaute ban lo ding hi.

Piancilna 7:16

Pasian in Noah tungah a thupiakna bangin nuntakna a nei khempeuh teembaw sungah a lut khit ciangin Topa in Noah kong a khaknelh hi.

Luka 3:8

Na kisikna uh a kilat nadingin gamta un. Note khatlekhat in, ‘Abraham’ suante ihi ngawn hi,’ mawkcih kei un. Ke’n kong cihin-ah, Pasian in hih suangte nangawn Abraham’ suanlekhakte-in bawl thei lel hi.