Luka 13:24 - Tedim Bible

²⁴ Jesuh in amaute kiangah, “Kong kawcik tawnin na lut nadingun hanciam un. Note kiangah kong genin-ah, mi tampi tak in lut ding a hanciam uh hangin lut zo lo ding uh hi.

Tedim Bible Revision 2017

²⁴ Jesu in amaute kiangah, “Kong kawcik tawnin na lut nadingun hanciam un. Note kiangah kong genin ah, mi tampi tak in lut ding a hanciam uh hangin lut zo lo ding uh hi.

Luka 13:24 Referans Kwoze

2 PETER NIHNA 1:10

Tua ahih manin sanggamte aw, Pasian in note hong sapna le hong teelna-ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

Hebru 4:11

Tua ahih manin amaute in a uploh manun Pasian’ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Luka 21:36

Hih thupiang khempeuh thuakzawh nading thahatna na neih nading uh, le Mihing Tapa mai-ah na dintheih nadingun a tawntungin thu ngenin vil niloh un,” a ci hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uhah amau’ meetna ding bek ngaihsun uh hi.

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Paunak 21:25

Mi thadahpa in na sem nuam lo ahih manin amahmah a kithattawm ahi hi.

ROM (Romans) 10:3

Amaute in Pasian tawh kipawl theih nading lampi man thei loin amau theihtawmna tawh hanciam kha uh ahih manin amah tawh kipawl theih nadingin lampi a khun’ zui kha lo uh hi.

Kolose 1:29

Hih bang a tangtun theih nadingin Khrih in kei tungah a hong piak ka thahatna khempeuh zangin, nakpitakin na semin ka hanciam hi.

Johan 7:34

Keima omna munah note hong pai thei lo ding na hih manun tua hun ciangin kei nong zon uh hangin nong mu kei ding uh hi,” a na ci hi.

Thuhilh-sia 10:15

A inn zuatna ding lampi a thei lo mihai luate bek, a inn lam zonna-in gim ding uh hi.

Johan 8:21

Tua ciangin Jesuh in amaute kiangah, “Kei ka paikhia ding hi. Note in kei na hong zong ding uh a, ahi zongin na mawhna uh na sihpih ding uh hi. Ka paina-ah note na hong pai thei kei ding uh hi,” a ci hi.

Isaiah 1:15

“Thungenin na khutte uh nong zaak uh ciangin note kong en kei ding a, thu tampi na nget uh hangin ke’n ka ngai tuan kei ding hi. Bang hang hiam cih leh sisan tawh note’ khut kidim hi.

Mattiu 11:12

Tuiphumpa Johan’ thuhilh hun a kipan tu ciang dong, mite in vantung ki-ukna thu hong kituhteh gawp uh a, thahatthu hong ciam uh hi.

Paunak 14:6

Mi a simmawh theite in pilna a zon uh hangin ngah zo lo uh a, thungaihsun theite in olno takin ngah thei uh hi.

Johan 13:33

Ka tate aw, note tawh sauvei ka hong omkhawm nawn kei ding hi. Note in kei na hong zong ding uh a, ahi zongin Jerusalem khua-a Jew uliante kiangah, ‘Ka paina munah na hong pai thei kei ding uh hi,’ ci-in ka gen mah bangin note kiangah zong tu-in ka hong gen hi.

Luka 13:23

Tua laitakin mi khat in, “Siapa aw, hotkhiatna a ngah mi tawmno khat bek hi ding ahi hiam?” ci-in a dong hi.

Joshua 7:3

Amaute Joshua kiangah hong ciahkikin ama kiangah, “Mi khempeuh kuantosak kei inla, mi tulnih ahi a, tulthum ahi zongin kuantosakin Ai khua simsak in. Amaute mi tawmno khat ahih manin tua lai-ah mi khempeuh gimtosak kei in,” a ci uh hi.

Johan 5:4

Bang hang hiam cih leh Topa’ vantungmi khat in tua bual tui lok thei zel a, tui a kilawh khit ciangin tua lai a tung masa penpen ama natna panin a dam hi.)